Kamika Ekadashi 2021 | आज कामिका एकादशी, जाणून घ्या शुभ मुहूर्त आणि उपवास विधी
श्रावण महिन्यातील कृष्ण पक्षाची एकादशी कामिका एकादशी व्रत म्हणून ओळखली जाते. कामिका एकादशी सर्वोत्तम व्रतांपैकी एक मानली जाते. मान्यता आहे की जर तुमची कोणतीही इच्छा दीर्घकाळापर्यंत अपूर्ण राहिली असेल तर कामिका एकादशीचे विधिवत व्रत ठेवून तुम्ही देवापुढे ती इच्छा पूर्ण होण्यासाठी प्रार्थना करावी. असे केल्याने भगवान विष्णू तुमची इच्छा नक्कीच पूर्ण करतात.
मुंबई : श्रावण महिन्यातील कृष्ण पक्षाची एकादशी कामिका एकादशी व्रत म्हणून ओळखली जाते. कामिका एकादशी सर्वोत्तम व्रतांपैकी एक मानली जाते. मान्यता आहे की जर तुमची कोणतीही इच्छा दीर्घकाळापर्यंत अपूर्ण राहिली असेल तर कामिका एकादशीचे विधिवत व्रत ठेवून तुम्ही देवापुढे ती इच्छा पूर्ण होण्यासाठी प्रार्थना करावी. असे केल्याने भगवान विष्णू तुमची इच्छा नक्कीच पूर्ण करतात (Kamika Ekadashi 2021 Know The Shubh Muhurat And Vrat Vidhi).
अशीही मान्यता आहे की कामिका एकादशी व्यक्तीच्या सर्व पापांचा नाश करते. यावेळी कामिका एकादशीचे व्रत 4 ऑगस्ट रोजी म्हणजेच बुधवारी ठेवण्यात येणार आहे. कामिका एकादशीच्या दिवशी भगवान विष्णूच्या गदा धारण केलेल्या रुपाची पूजा करण्याचा नियम आहे. कामिका एकादशीचे व्रत, शुभ मुहूर्त आणि इतर महत्वाची माहिती जाणून घ्या.
शुभ मुहूर्त
? एकादशीची तिथी प्रारंभ – मंगळवार 03 ऑगस्ट रोजी दुपारी 12:59 पासून सुरू होईल
? एकादशी तिथी समाप्त – बुधवार, 04 ऑगस्ट रोजी दुपारी 03:17 पर्यंत राहील.
उदया तिथीनुसार, या वर्षी कामिका एकादशीचा उपवास 04 ऑगस्ट रोजी ठेवला जाईल. दुसऱ्या दिवशी 05 ऑगस्टला द्वादशी तिथी संध्याकाळी 05.09 पर्यंत राहील. अशा स्थितीत द्वादशीला तुम्ही कधीही व्रताचे पारण करु शकता. परंतु उपवासासाठी सर्वात शुभ वेळ सकाळी 05:45 ते सकाळी 08:26 दरम्यान असेल.
उपवासाची विधी
03 ऑगस्ट रोजी सूर्यास्तानंतर एकादशी उपवासाचे नियम लागू होतील. 03 ऑगस्ट रोजी सूर्यास्तापूर्वी तुम्ही साधे जेवण घ्या. यानंतर, सकाळी लवकर उठल्यानंतर आंघोळ केल्यावर हातात अक्षता आणि फुले घेऊन व्रताचा संकल्प करा, त्यानंतर पूजेला सुरुवात करा. सर्वप्रथम भगवान विष्णूला फळे, फुले, तीळ, दूध, पंचामृत इत्यादी अर्पण करा. यानंतर कामिका एकादशीची व्रत कथा वाचा आणि नैवेद्य अर्पण करा.
जर तुम्ही निर्जला उपवास ठेवू शकत असाल तर ते उत्तम आहे. अन्यथा तुम्ही फळांचं सेवन करु शकता. रात्री देवाचे ध्यान करा आणि भजन कीर्तन करा. एकादशीच्या रात्री जागरण करण्याचा प्रयत्न करा. दुसऱ्या दिवशी आंघोळ केल्यानंतर ब्राह्मणांना जेवण द्या आणि त्याच्या क्षमतेनुसार दान करा. त्यानंतरच अन्नाचे सेवन करा. दशमीच्या रात्रीपासून द्वादशीच्या दिवसापर्यंत ब्रह्मचर्य पाळा. कोणाची निंदा करु नका किंवा टीका करु नका. परमेश्वराची भक्ती करा.
देवी-देवतांच्या उपवासाशी संबंधित नियम तुम्हाला माहित आहेत का? नेहमी या गोष्टी अवश्य लक्षात ठेवाhttps://t.co/YDwsHq5Wls#Adhyatma |#Fasting |#Upasana |#Vrat |#Rules
— TV9 Marathi (@TV9Marathi) August 2, 2021
Kamika Ekadashi 2021 Know The Shubh Muhurat And Vrat Vidhi
टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…
संबंधित बातम्या :
शिवरात्रीचे थोर महात्म्य; जाणून घ्या शिवशंकरांच्या चार प्रहरातील पूजेचे महत्त्व व विधी
मंगळागौरी व्रतामागे आहे ही कथा; जाणून घ्या तिथी, पूजा विधीचे महत्त्व