घरात ताजमहालचा फोटो किंवा शोपीस ठेवण्याचा विचार करताय? त्याआधी काही महत्त्वाची गोष्टी ठेवा लक्षात

आपण आपले घर सुंदर आणि आकर्षक बनवण्यासाठी विविध सजावटीच्या वस्तू वापरतो. पण, कधीकधी आपण अशा वस्तू देखील वापरतो ज्या वास्तुनुसार अशुभ मानल्या जातात. या वस्तू घर सुंदर बनवू शकतात, परंतु त्या वास्तुदोषांना देखील कारणीभूत ठरतात आणि घरात नकारात्मक ऊर्जा आणतात. बरेच लोक त्यांच्या घरात ताजमहालचा फोटो किंवा शोपीस ठेवतात, तर वास्तुशास्त्रानुसार ते शुभ आहे की अशुभ? याबद्दल जाणू घ्या…. ताजमहाल हे प्रेमाचे प्रतीक मानले जाते, म्हणूनच बरेच लोक ताजमहाल भेट म्हणून देतात. जर तुम्ही ताजमहालचा फोटो किंवा शोपीस घरी ठेवला किंवा भेट म्हणून दिला तर तुम्हाला त्याचे शुभ आणि अशुभ परिणाम नक्कीच माहित असले पाहिजेत.

अनेक लोक नकळतपणे घर सजवताना चुका करतात, ज्यामुळे वास्तुदोष निर्माण होऊ शकतात. अनेकांना ताजमहालचा शोपीस ठेवणे किंवा त्याचे चित्र लावणे आवडते. काही लोक घराच्या सजावटीसाठी ताजमहालचा पुतळा किंवा फोटो लावतात, परंतु मान्यतेनुसार असे करणे योग्य मानले जात नाही. जगातील सात आश्चर्यांपैकी एक असलेले ताजमहाल खूप सुंदर आणि आकर्षक असले तरी, त्याचे चित्र किंवा शोपीस घरात ठेवणे टाळावे. तसेच, ते भेट म्हणून देणे शुभ मानले जात नाही.

ताजमहाल शाहजहानने त्याची पत्नी मुमताज हिच्या स्मरणार्थ बांधला होता. हिंदू श्रद्धेनुसार, घरात कब्रस्तान किंवा थडग्यांशी संबंधित चित्रे किंवा शोपीस ठेवणे शुभ मानले जात नाही. असे मानले जाते की अशा चित्रांमुळे घरात नकारात्मक ऊर्जा येऊ शकते. म्हणून, घरात ताजमहालचा शोपीस किंवा फोटो ठेवणे टाळावे.

ताजमहाल हे दुःख, समाधी आणि मृत्यूशी संबंधित स्मारक मानले जाते. वास्तुशास्त्रानुसार, अशा वस्तू किंवा त्यांच्या प्रतिकृती घरात ठेवल्याने वास्तुदोष निर्माण होऊ शकतो. असे मानले जाते की अशा दोषांमुळे जीवनात विविध प्रकारच्या अडचणी येऊ शकतात. कुटुंबातील सदस्यांच्या प्रगतीत अडथळा येईल, आरोग्याशी संबंधित समस्या वाढतील आणि आर्थिक अडचणींना तोंड द्यावे लागेल अशाही समजुती आहेत. त्यामुळे काही लोक घरात ताजमहालचा शोपीस किंवा फोटो न ठेवण्याचा सल्ला देतात.

या कारणास्तव, ताजमहालचा फोटो किंवा शोपीस कोणालाही भेट म्हणून देणे योग्य मानले जात नाही. असे मानले जाते की ते शुभ मानले जात नाही. जर तुमच्या घरात ताजमहालचा शोपीस किंवा फोटो असेल तर तुम्ही ते सजावट म्हणून ठेवणे टाळावे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)