India vs Pakistan पुन्हा महामुकाबला, तारीख ठरली, जाणून घ्या सुपर-4 चं संपूर्ण शेड्युल
India vs Pakistan: क्रिकेट चाहते पुन्हा एकदा भारत-पाकिस्तान (IND vs PAK) सामन्याचा रोमांच अनुभवणार आहेत. या महामुकाबल्याची तारीख निश्चित झाली आहे.
मुंबई: क्रिकेट चाहते पुन्हा एकदा भारत-पाकिस्तान (IND vs PAK) सामन्याचा रोमांच अनुभवणार आहेत. या महामुकाबल्याची तारीख निश्चित झाली आहे. आता फक्त रविवारची प्रतिक्षा आहे. पाकिस्तानने काल हाँगकाँगवर (PAK vs HKG) दणदणीत विजय मिळवला. आशिया कपच्या (Asia cup) ग्रुप ए मधील हा शेवटचा सामना होता. या सामन्यात जिंकणारा संघ सुपर 4 साठी पात्र ठरणार होता. अपेक्षेप्रमाणे फेव्हरेट पाकिस्तानने या सामन्यात बाजी मारली. त्यामुळे सुपर 4 मध्ये पुन्हा एकदा भारत-पाकिस्तान लढतीचा थरार रंगणार आहे.
सुपर 4 चे चार संघ ठरले
आशिया कप स्पर्धेतील सुपर 4 चे चार संघ निश्चित झाले आहेत. अफगाणिस्तान सुपर 4 मध्ये प्रवेश करणारा पहिला संघ ठरला आहे. ग्रुप बी मध्ये त्यांनी बलाढ्य श्रीलंका आणि बांगलादेशला हरवलं होतं. त्यानंतर भारताने सुपर 4 मध्ये प्रवेश केला. भारताने ग्रुप ए मध्ये पाकिस्तान, हाँगकाँगच्या टीमवर विजय मिळवला. ग्रुप बी मध्ये अखेरचा साखळी सामना श्रीलंकेसाठी ‘करो या मरो’ होता. या मॅच मध्ये श्रीलंकेने बांगलादेशला नमवून सुपर 4 मध्ये प्रवेश केला. आता ग्रुप ए मधून पाकिस्तानने आपलं स्थान पक्क केलं आहे.
आजपासून सुपर 4 राऊंडची सुरुवात
सुपर फोरची सुरुवात शनिवारी 3 सप्टेंबरपासून होणार आहे. पहिला सामना श्रीलंका-अफगाणिस्तान मध्ये होणार आहे. अफगाणिस्तानने ग्रुप राऊंड मध्ये श्रीलंकेवर सहज विजय मिळवला होता. सुपर 4 मध्ये सगळ्यांना भारत-पाकिस्तान लढतीची उत्सुक्ता आहे. दोन्ही देशांमध्ये द्विपक्षीय मालिका होत नाहीत. त्यामुळे क्वचितच दोन्ही संघ आमने-सामने येतात. आशिया कपच्या निमित्ताने आठवड्याभरात दुसऱ्यांदा हे घडणार आहे.
अफगाणिस्तानकडून धक्कादायक निकालाची अपेक्षा
भारताचा पहिला सामना पाकिस्तान विरुद्ध होईल. त्यानंतर श्रीलंका आणि अफगाणिस्तान बरोबर लढत रंगेल. मोहम्मद नबीच्या नेतृत्वाखाली अफगाणिस्तानची टीम दमदार कामगिरी करतेय. अफगाणिस्तानकडून धक्कादायक निकालाची अपेक्षा आहे.
Asia Cup 2022: सुपर-4 चा शेड्युल
3 सप्टेंबर- श्रीलंका vs अफगानिस्तान (शारजाह)
4 सप्टेंबर- भारत vs पाकिस्तान (दुबई)
6 सप्टेंबर- भारत vs श्रीलंका (दुबई)
7 सप्टेंबर- पाकिस्तान vs अफगानिस्तान (दुबई)
8 सप्टेंबर- भारत vs अफगानिस्तान (दुबई)
9 सप्टेंबर- श्रीलंका vs पाकिस्तान (दुबई)
