Asia cup 2025 SL vs BAN Live Streaming: श्रीलंका विरुद्ध बांगलादेश आमनेसामने, Super 4 मध्ये कोण करणार विजयी सुरुवात?

Asia cup 2025 Sri Lanka vs Bangladesh Super 4 Live Streaming: श्रीलंका विरुद्ध बांगलादेश या सामन्याने आशिया कप 2025 स्पर्धेतील सुपर 4 फेरीला सुरुवात होणार आहे. जाणून घ्या सविस्तर.

Sri Lanka vs Bangladesh Super 4 Live StreamingImage Credit source: PTI

sanjay patil | Updated on: Sep 19, 2025 | 11:25 PM

आशिया कप 2025 स्पर्धेत साखळी फेरीची सांगता झाली आहे. साखळी फेरीत एकूण 12 सामने झाले. तर 11 व्या सामन्यानंतर शुक्रवारी सुपर 4 मधील 4 संघ निश्चित झाले. आता शनिवारी 20 सप्टेंबरपासून सुपर 4 फेरीला सुरुवात होणार आहे. सुपर 4 मध्ये 20 ते 26 सप्टेंबर दरम्यान एकूण 6 सामने खेळवण्यात येणार आहेत. प्रत्येक संघाला सुपर 4 मध्ये 3 सामने खेळायचे आहेत. या 4 पैकी अव्वल 2 संघ अंतिम फेरीसाठी पात्र ठरणार आहेत. सुपर 4 फेरीतील पहिल्या सामन्यात श्रीलंका विरुद्ध बांगलादेश आमनेसामने असणार आहेत. त्यामुळे या सामन्यात दोघांपैकी कोणता संघ विजयी सुरुवात करणार? याकडे क्रिकेटप्रेमींचं लक्ष असणार आहे.

ए ग्रुपमधून भारत आणि पाकिस्तान या 2 संघांनी सुपर 4 मध्ये प्रवेश केला होता. तर बी ग्रुपमधील शेवटच्या साखळी फेरीतील सामन्यापर्यंत सुपर 4 साठी संघ निश्चित झाले नव्हते. त्यामुळे 2 जागांसाठी 3 संघांमध्ये (श्रीलंका, बांगलादेश आणि अफगाणिस्तान) चुरस होती. मात्र श्रीलंकेने अफगाणिस्तान टीमवर मात करत सुपर 4 मध्ये प्रवेश केला. श्रीलंकेने हा सामना कमी फरकाने गमावला असता तरी ते सुपर 4 मध्ये पोहचले असते. मात्र श्रीलंकेने अफगाणिस्तानला पराभूत करत त्यांचं सुपर 4 चं स्वप्न भंग केलं.

तसेच श्रीलंकेने विजयासह बांगलादेशला सुपर 4 मध्ये पोहचवण्यात अप्रत्यक्ष मदत केली. अशाप्रकारे बी ग्रुपमधून सुपर 4 साठी 2 संघ निश्चित झाले. आता सुपर 4 फेरीतील पहिल्या सामन्याची चाहत्यांना प्रतिक्षा आहे. हा सामना कधी कुठे होणार? हे जाणून घेऊयात.