Asia Cup 2023 | आशिया कपसाठी टीम इंडियाची घोषणा, कुणाला मिळाली संधी?

नवी दिल्ली | आशिया कप 2023 स्पर्धेला 30 ऑगस्टपासून सुरुवात होणार आहे. या स्पर्धेत एकूण 6 संघ सहभागी होणार आहेत. या 6 संघांमध्ये टीम इंडिया, पाकिस्तान, श्रीलंका, बांगलादेश, नेपाळ आणि अफगाणिस्तानचा समावेश आहे. आशिया कपसाठी पाकिस्तान, श्रीलंका आणि नेपाळने संघ जाहीर केली आहे. त्यानंतर आता अनेक दिवसांच्या प्रतिक्षेनंतर आज 21 ऑगस्ट रोजी बीसीसीआय निवड समितीने 17 सदस्यीय भारतीय संघाची घोषणा केली आहे. नवी दिल्लीत निवड समिती आणि कॅप्टन रोहित शर्मा यांच्यात बैठक पार पडली. या बैठकीनंतर निवड समितीचे अध्यक्ष अजित आगरकर आणि कॅप्टन रोहित शर्मा यांनी पत्रकार परिषदेत आशिया कपसाठी भारतीय संघाची घोषणा केली.

केएल राहुल आणि श्रेयस अय्यर यांचं कमबॅक

आशिया कपद्वारे विकेटकीपर बॅट्समन केएल राहुल आणि श्रेयस अय्यर या दोघांची दुखापतीनंतर टीममध्ये एन्ट्री झाली आहे. श्रेयसला गेल्या अनेक महिन्यांपासून पाठदुखीचा त्रास जाणवत होता. तर केएल राहुल याला आयपीएल 16 व्या मोसमादरम्यान दुखापत झाली होती. त्यानंतर दोघांनी एनसीएमध्ये कमबॅकसाठी कठोर परिश्रम घेतेले. या दोघांची आशिया कपसाठी निवड होणार की नाही, असं म्हटलं जात होतं. मात्र अखेर हे दोघे परतले असल्याने टीम इंडियासाठी ही आनंदाची बाब आहे.

आशिया कपसाठी भारतीय संघ जाहीर

आशिया कपसाठी टीम इंडिया | रोहित शर्मा (कॅप्टन), शुबमन गिल, विराट कोहली, श्रेयस अय्यर, सूर्यकुमार यादव, तिलक वर्मा,  केएल राहुल,  ईशान किशन, हार्दिक पंड्या, रविंद्र जडेजा, शार्दुल ठाकूर, अक्षर पटेल, कुलदीप यादव जसप्रीत बुमराह, मोहम्मद शमी, मोहम्मद सिराज आणि प्रसिद्ध कृष्णा.

राखीव खेळाडू | संजू सॅमसन (राखीव विकेटकीपर)