IPL 2026 : गेलची बरोबरी, संजूला पछाडलं, केएलचं रेकॉर्ड ब्रेक शतक, काय केलं?

संजू सॅमसन याला गेली अनेक वर्ष आंतरराष्ट्रीय क्रिकेटमध्ये आपल्या लौकीकाला साजेशी खेळी करता आली नव्हती. संजूला अपवाद वगळता फॉर्म आणि धावांसाठी झगडावं लागत होतं. मात्र संजूसाठी मायदेशात झालेला टी 20I वर्ल्ड कप गेमचेंजर ठरला. संजूने टी 20I वर्ल्ड कप स्पर्धेत आयकॉनिक खेळी केली. संजूने वर्ल्ड कप स्पर्धेत सर्वाधिक धावा केल्या. संजूने टीम इंडियाला टी 20I वर्ल्ड कप जिंकून देण्यात बॅटिंगने सर्वाधिक योगदान दिलं. संजूला त्यासाठी प्लेअर ऑफ द टुर्नामेंट पुरस्काराने गौरवण्यात आलं. संजूने हाच तडाखा आयपीएलच्या 19 व्या मोसमातही (IPL 2026) कायम ठेवला. संजूने या हंगामात आतापर्यंत 2 शतकं झळकावली. मात्र त्यानंतरही संजूला मोठा झटका लागला आहे.

आयपीएल स्पर्धेच्या 19 व्या मोसमातील 35 व्या सामन्यात दिल्ली कॅपिट्ल्सचा अनुभवी फलंदाज केएल राहुल याने पंजाब किंग्स विरुद्ध दीडशतकी खेळी केली. केएलने नाबाद 152 धावा केल्या. केएलने या खेळीत 16 चौकार आणि 9 षटकार लगावले. केएल यासह आयपीएल स्पर्धेत एका खेळीत सर्वाधिक धावा करणारा भारतीय फलंदाज ठरला. तसेच केएल या दरम्यान दिल्ली कॅपिट्ल्सकडून वेगवान शतक करणारा पहिला फलंदाज ठरला. केएलने 47 चेंडूत शतक झळकावलं. केएलने यासह संजूला पछाडलं.

गेलची बरोबरी, संजूला पछाडलं

केएलचं हे त्याच्या कारकीर्दीतील एकूण सहावं शतक ठरलं. केएल यासह आयपीएल स्पर्धेत सर्वाधिक शतकं करणारा संयुक्तरित्या तिसरा तर एकूण दुसरा भारतीय ठरला आहे. केएलने 6 शतकांसह माजी फलंदाज ख्रिस गेल याच्या विक्रमाची बरोबरी केली. तसेच केएलने संजू सॅमसन याला शतकांबाबत मागे टाकलं. संजूने त्याच्या कारकीर्दीत एकूण 5 शतकं झळकावली आहेत.

संजूने 19 व्या मोसमात दिल्ली कॅपिट्ल्स आणि मुंबई इंडियन्स विरुद्ध शतक झळकावलं होतं. संजूने यासह आयपीएल कारकीर्दीतील पाचवं शतक पूर्ण केलं. मात्र केएलने पंजाब विरुद्ध शतक झळकावून संजूला मागे टाकलं.

आयपीएल आणि सर्वाधिक शतकं

दरम्यान आयपीएल स्पर्धेच्या इतिहासात सर्वाधिक 8 शतकांचा विक्रम हा आरसीबीचा अनुभवी फलंदाज विराट कोहली याच्या नावावर आहे. तर जोस बटलर या यादीत दुसऱ्या स्थानी आहे. बटलरने 7 शतकं लगावली आहेत.