ENG vs IND : इंग्लंड संघात 3 मॅचविनर खेळाडूंचं कमबॅक, भारताला टेन्शन
England vs India T20i Series 2026 : इंग्लंड विरुद्ध टीम इंडिया यांच्यात 1 जुलैपासून 5 सामन्यांच्या टी 20i मालिकेचा थरार रंगणार आहे. या मालिकेतून इंग्लंड संघात 3 खेळाडूंचं कमबॅक झालं आहे.
इंग्लंड क्रिकेट बोर्डाने टीम इंडिया विरूद्धच्या टी 20I मालिकेसाठी (England vs India T20i Series 2026) 22 जून रोजी 17 सदस्यीय संघाची घोषणा केली आहे. त्यानुसार हॅरी ब्रूक हा टीम इंडिया विरुद्ध 5 टी 20I सामन्यांत इंग्लंडचं नेतृत्व करणार आहे. टीम इंडियाची या मालिकेतून इंग्लंड दौऱ्याची सुरुवात होणार आहे. टीम इंडिया विरूद्धच्या टी 20i मालिकेतून इंग्लंड संघात 3 स्टार खेळाडूंचं कमबॅक झालं आहे. त्यामुळे इंग्लंडची ताकद आणि टीम इंडियाचं टेन्शन वाढलं आहे. इंग्लंडच्या या 3 खेळाडूंमध्ये सामना कोणत्याही क्षणी फिरवण्याची क्षमता आहे. हे 3 खेळाडू कोण आहेत? हे जाणून घेऊयात.
तिघांचं कमबॅक, कोण आहेत ते?
टीम इंडिया विरुद्धच्या टी 20i मालिकेसाठी जॉर्डन कॉक्स, सोनी बेकर आणि साकीब महमूद या तिघांना संधी देण्यात आली आहे. हे तिघेही काही महिन्यांआधी झालेल्या टी 20i वर्ल्ड कप संघात नव्हते. तसेच जेकब बेथल आणि सॅम करन या दोघांचा समावेश करण्यात आला आहे. जेकबला आयपीएल स्पर्धेच्या 19 व्या हंगामातील शेवटच्या टप्प्यात दुखापत झाली होती. त्यामुळे जेकबला शेवटच्या टप्प्यातील काही सामन्यांना मुकावं लागलं होतं. तर सॅम करन याला फिटनेसमुळे राजस्थान रॉयल्ससाठी खेळता आलं नाही. मात्र आता दोघांच्या कमबॅकमुळे इंग्लंडची ताकद वाढली आहे.
अनुभवी खेळाडूंमध्ये कोण?
इंग्लंडच्या टी 20i संघात अनुभवी खेळाडूही आहेत. यामध्ये जोस बटलर, वेगवान गोलंदाज जोफ्रा आर्चर फिरकीपटू आदिल रशीद आणि फिल सॉल्ट यांचा समावेश आहे.
दोघे दुखापतीचे शिकार
तर इंग्लंडच्या 2 खेळाडूंना दुखापतीने झटका दिला आहे. वेगवान गोलंदाज ब्रायडन कार्स आणि ऑलराउंडर जेमी ओव्हरटन या दोघांची दुखापतीमुळे निवड करण्यात आलेली नाही.
1 मालिका, 5 सामने आणि 17 खेळाडू
टीम इंडिया विरूद्धच्या टी 20I मालिकेसाठी इंग्लंड टीम : हॅरी ब्रूक (कर्णधार), रेहान अहमद, जोफ्रा आर्चर, सोनी बेकर, टॉम बँटन, जेकब बेथल, जोस बटलर, जेम्स कोल्स, जॉर्डन कॉक्स, सॅम करन, लियम डॉसन, विल जॅक्स, साकिब महमूद, आदिल रशीद, फिल सॉल्ट, जॉश टंग आणि ल्यूक वुड.
