Jasprit Bumrah : 3 विकेट्स-2 रेकॉर्ड्स, बुमराहची वर्ल्ड कपमध्ये ऐतिहासिक कामगिरी, चौघांना पछाडलं
Jasprit Bumrah Broke R Ashwin Most T20i World Cup Wickets Record : टीम इंडियाचा प्रमुख आणि वेगवान गोलंदाज जसप्रीत बुमराह याने 3 विकेट्स घेत दक्षिण आफ्रिकेचं कंबरडं मोडलं. बुमराहने यासह टी 20i वर्ल्ड कप स्पर्धेच्या इतिहासात अविस्मरणीय अशी कामगिरी करुन दाखवली आहे.
टीम इंडियाची आयसीसी टी 20i वर्ल्ड कप 2026 स्पर्धेतील सुपर 8 मोहिमेची सुरुवात पराभवाने झाली. टीम इंडियाला अहमदाबादमधील नरेंद्र मोदी स्टेडियममध्ये 76 धावांनी पराभूत व्हावं लागलं. भारताला गतउपविजेता दक्षिण आफ्रिकेने पराभवाचं पाणी पाजलं. दक्षिण आफ्रिकेने 188 धावांचा पाठलाग करणाऱ्या भारतीय संघाला 111 रन्सवर 7 बॉलआधी ऑलआऊट केलं. दक्षिण आफ्रिकेने यासह या मोहिमेतील सलग पाचवा विजय साकारला. दक्षिण आफ्रिकेविरुद्धच्या पराभवामुळे टीम इंडियाच्या सेमी फायनलच्या मोहिमेला मोठा झटका लागला आहे. टीम इंडियाला आता उपांत्य फेरीत पोहचायंच असेल तर उर्वरित दोन्ही सामन्यांत मोठ्या फरकाने विजय मिळवावा लागणार आहे.
टीम इंडियाच्या गोलंदाजांनी या सामन्यात चांगली सुरुवात केली होती. भारताने दक्षिण आफ्रिकेला 20 धावांवर 3 झटके दिले होते. तसेच दक्षिण आफ्रिका 200 पार सहज पोहचेल असं वाटत होतं. मात्र भारतीय गोलंदाजांनी दक्षिण आफ्रिकेला 187 धावावंर रोखण्यात यश मिळवलं. यात वेगवान गोलंदाज जसप्रीत बुमराह याने प्रमुख योगदान दिलं. बुमराहने 3 विकेट्स मिळवल्या. बुमराहने यासह इतिहास घडवला. बुमराह टी 20i वर्ल्ड कप स्पर्धेच्या इतिहासात सर्वाधिक विकेट्स घेणारा भारतीय गोलंदाज ठरला. बुमराहने याबाबतीत माजी फिरकीपटू आर अश्विन याच्या 32 विकेट्सचा विक्रम मोडीत काढला.
अश्विनचा रेकॉर्ड ब्रेक
बुमराहने अश्विनच्या तुलनेत 2 डावांआधी ही कामगिरी करुन दाखवली आहे. अश्विनने 24 टी 20i सामन्यांमध्ये 17.25 च्या सरासरीने 32 विकेट्स मिळवल्या होत्या. तर बुमराहने 22 सामन्यांमधील 22 व्या डावात 13.36 च्या सरासरीने 33 विकेट्स घेतल्या. बुमराहने दक्षिण आफ्रिकेच्या कॉर्बिन बॉश याला आऊट करत टी 20i वर्ल्ड कप स्पर्धेच्या इतिहासातील आपली 33 वी विकेट मिळवली.
बुमराहची चिवट गोलंदाजी
जसप्रीत बुमराह दक्षिण आफ्रिकेविरुद्ध 4 ओव्हरमध्ये टीम इंडियाकडून सर्वात कमी धावा देणारा गोलंदाज ठरला. बुमराहने 3.80 च्या इकॉनमीने 15 धावा देत दक्षिण आफ्रिकेच्या 3 फलंदाजांना मैदानाबाहेरचा रस्ता दाखवला.
बुमराहने यासह आणखी एक विक्रम केला. बुमराहची टी 20i वर्ल्ड कप स्पर्धेत 4 ओव्हर पूर्ण केल्यानंतर सर्वाधिक 15 किंवा त्यापेक्षा कमी धावा देण्याची ही पाचवी वेळ ठरली. बुमराहने यासह अंजता मेंडीस, सॅम्युअल बद्री आणि टीम साऊथी यांना मागे टाकलं आहे. या तिघांनी प्रत्येकी 4-4 वेळा कोट्यातील 4 ओव्हर संपवल्यानंतर 15 किंवा त्यापेक्षा कमी धावा दिल्या होत्या.
