सेलिब्रेशन असावे तर असे! ना उडी मारली, ना कसला दिखावा, ध्रुव जुरेलने बायसेपवरील टॅटू दाखवला, Video Viral
Dhruv Jurel Celebration Video: उजव्या हाताचा फलंदाज ध्रुव जुरेलने आपल्या कसोटी कारकिर्दीतील दुसरे शतक झळकावले. या शतकी खेळीची जितकी चर्चा झाली नाही तितकी चर्चा ही ध्रुव जुरेलने केलेल्या सेलिब्रेशनची रंगली. ध्रुव जुरेलच्या सेलिब्रेशनने सगळ्यांचे लक्षवेधून घेतले.
IND vs SL Test Series: उजव्या हाताचा फलंदाज ध्रुव जुरेलने आपल्या कसोटी कारकिर्दीतील दुसरे शतक झळकावले. कोलंबो येथे श्रीलंकेविरुद्धच्या दुसऱ्या कसोटी सामन्याच्या दुसऱ्या दिवशी त्याने हा टप्पा गाठला. दिवसाच्या शेवटच्या सत्रात वेगवान गोलंदाज असिथा फर्नांडोच्या गोलंदाजीवर त्याने आपले पूर्ण शतक केले. या शतकी खेळीची जितकी चर्चा झाली नाही तितकी चर्चा ही ध्रुव जुरेलने केलेल्या सेलिब्रेशनची रंगली. ध्रुव जुरेलच्या सेलिब्रेशनने सगळ्यांचे लक्षवेधून घेतले.
ध्रुव जुरेलचे वडील, यांनी १९९९ च्या कारगिल युद्धात भारतासाठी पाकिस्तानविरुद्ध भाग घेतला होता. नंतर त्यांनी सैन्यातून स्वेच्छानिवृत्ती घेतली. आपल्या सैनिक वडिलांसाठी अनेकदा मैदानावर आपल्या बॅटचे बंदुकीत रूपांतर करून सलामी देत असे. पण यावेळी, त्याने थोडे हटके सेलिब्रेशन केले. या सेलिब्रेशनची विशेष चर्चा रंगली. त्याने या वेळेला सेलिब्रेशन केल्यानंतर बंदुकीचे सेलिब्रेशन न करता थेट आपला दंड दाखवला. त्याने त्याच्या दंडावर ‘जय जवान, जय किसान’चा टॅटू गोंदवला असल्याचे पाहायला मिळाले. आता त्याने शतकी खेळीनंतर ‘जय जवान, जय किसान’ चा टॅटू दाखवत पुन्हा एकदा त्याचे राष्ट्रप्रतीचे प्रेम आणि सैन्याबद्दलचा आदर दर्शवला आहे. याचा व्हिडिओ सोशल मीडियावर मोठ्या प्रमाणात व्हायरल होत आहे.
A moment to cherish forever! 🥳
Special scenes 📹 in Ahmedabad as Dhruv Jurel notches up a maiden Test 💯
Updates ▶️ https://t.co/MNXdZcelkD#TeamIndia | #INDvWI | @IDFCFIRSTBank | @dhruvjurel21 pic.twitter.com/8JLGOhCAkt
— BCCI (@BCCI) October 3, 2025
श्रीलंकेत सातव्या किंवा त्यापेक्षा खालच्या क्रमांकावर फलंदाजी करताना कसोटी शतक झळकावणारा ध्रुव जुरेल हा दुसरा भारतीय ठरला आहे. यापूर्वी हा पराक्रम करणारा एकमेव भारतीय खेळाडू हार्दिक पांड्या होता (१०८ धावा, पल्लेकेले २०१७). तसेच, डिसेंबर २०२४ मध्ये मेलबर्न येथे नितीश कुमार रेड्डी (११४ धावा) यांच्यानंतर, भारतासाठी सातव्या किंवा त्यापेक्षा खालच्या क्रमांकावर शतक झळकावणारा जुरेल हा पहिला फलंदाज ठरला आहे.
पहिल्या कसोटी सामन्यात देवदत्त पडिकलने शतकी खेळी खेळली. यानंतर दुसऱ्या सामन्यातील पहिल्या डावातही त्याने आपले शतक पूर्ण केले. आता पहिली कसोटी भारतीय संघाने जिंकली आता दुसरी कसोटीही भारतीय संघाने जिंकली तर मालिका जिंकण्यात यश मिळेल.
