INDW vs NEDW Womens T20 WC Live Score Updates : नेदरलँड्सच्या बॅटिंगला सुरुवात, 210 धावांचं आव्हान

नेदरलँड्सच्या बॅटिंगला सुरुवात झाली आहे. भारताने नेदरलँड्ससमोर 210 धावांचं आव्हान ठेवलं आहे. नेदरलँड्सकडून हेदर सीजर्स आणि फेबे मोल्केनबोअर ही सलामी जोडी मैदानात आली आहे. आता या दोघी टीमला कशी सुरुवात मिळवून देतात हे पाहणं महत्त्वाचं ठरणार आहे.

टीम इंडियाने वर्ल्ड कप स्पर्धेतील आपली सर्वात मोठी धावसंख्या उभारली आहे. टीम इंडियाने नेदरलँड्ससमोर 210 धावांचं आव्हान ठेवलं आहे. टीम इंडियाने 5 विकेट्स गमावून 209 धावा केल्या. भारतासाठी शफाली वर्मा आणि स्मृती मंधाना या दोघींनी सर्वाधिक धावा केल्या. स्मृतीने सर्वाधिक 74 धावा केल्या. तर शफालीने 55 धावांचं योगदान दिलं.

नेदरलँडसने जोरदार कमबॅक केलं आहे. नेदरलँड्सने भारताला झटपट 3 झटके देत बॅकफुटवर टाकलं आहे. नेदरलँड्सने यास्तिका भाटीया हीला आऊट करत भारताला चौथा झटका दिला आहे. यास्तिकाने 3 धावा केल्या.

नेदरलँड्सने भारताला तिसरा झटका दिला आहे. जेमिमाह रॉड्रिग्स आऊट झाली आहे. जेमिमाहने 13 बॉलमध्ये 19 रन्स केल्या.

नेदलँड्सने भारताला दुसरा मोठा झटका दिला आहे. उपकर्णधार स्मृती मंधाना आऊट झाली आहे. स्मृतीने 47 बॉलमध्ये 74 रन्स केल्या. स्मृतीने या खेळीत 11 फोर आणि 1 सिक्स लगावला.

शफाली वर्मा हीच्यानंतर ओपनर आणि उपकर्णधार स्मृती मंधाना हीने नेदरलँड्स विरुद्ध अर्धशतक झळकावलं आहे. स्मृतीचं हे या स्पर्धेतील सलग आणि एकूण दुसरं अर्धशतक ठरलं आहे. स्मृतीने पाकिस्तान विरुद्धही अर्धशतक झळकावलं होतं.

नेदरलँड्सने टीम इंडियाला पहिला झटका दिला आहे. शफाली वर्मा अर्धशतकानंतर आऊट झाली आहे. शफालीने 38 बॉलमध्ये 10 फोरसह 55 रन्स केल्या. हेदर सीगर्स हीने नेदरलँड्सला पहिलीवहिली विकेट मिळवून दिली.

लेडी सेहवाग अर्थात शफाली वर्मा हीने नेदरलँड्स विरुद्ध अर्धशतक झळकावलं आहे. शफालीने अवघ्या 34 बॉलमध्ये अर्धशतक पूर्ण केलं.  शफालीचं हे वर्ल्डस कप स्पर्धेतील पहिलंच अर्धशतक ठरलं आहे. शफालीने या खेळीत 9 चौकार लगावले.

स्मृती मंधाना आणि शफाली वर्मा या सलामी जोडीने पावरप्ले आपल्या नावावर केला आहे. या दोघींनी पहिल्या 6 ओव्हरमध्ये बिनबाद 59 धावा केल्या आहेत. शफाली 26 आणि स्मृती 24 धावांवर नाबाद खेळत आहेत.

शफाली वर्मा आणि स्मृती मंधाना या सलामी जोडीने टीम इंडियाला संयमी सुरुवात मिळवून दिली आहे. या दोघींनी 3 ओव्हरमध्ये बिनबाद 26 धावा जोडल्या आहेत. स्मृती 13 आणि शफाली 15 धावांवर नाबाद खेळत आहेत.

टीम इंडिया विरुद्ध नेदरलँड्स सामन्याला सुरुवात झालीय. नेदरलँड्सने टॉस जिंकून टीम इंडियाला बॅटिंगसाठी भाग पाडलं आहे. टीम इंडियाकडून शफाली वर्मा आणि उपकर्णधार स्मृती मंधाना ही सलामी जोडी मैदानात आली आहे.

नेदरलँड्स वुमन्स टीम प्लेइंग ईलेव्हन : हेदर सीजर्स, फेबे मोल्केनबोअर, बॅबेट डी लीडे (कर्णधार आणि विकेटकीपर), स्टेरे कॅलिस, रॉबिन रिजके, फ्रेडरिक ओव्हरडाइक, आयरिस झविलिंग, मिर्थे व्हॅन डेन रॅड, कॅरोलिन डी लँगे, सिल्व्हर सीजर्स आणि इसाबेल वोनिंग.

वुमन्स टीम इंडिया प्लेइंग ईलेव्हन : शफाली वर्मा, स्मृती मंधाना, यास्तिका भाटिया, जेमिमाह रॉड्रिग्स, हरमनप्रीत कौर (कर्णधार), ऋचा घोष (विकेटकीपर), दीप्ती शर्मा, श्रेयंका पाटील, श्री चरणी, क्रांती गौड आणि नंदनी शर्मा.

नेदरलँड्स वुमन्स टीमच्या बाजूने टॉसचा कॉल लागला आहे. नेदरलँड्सने टॉस जिंकून बॉलिंग करण्याचा निर्णय घेतला आहे. त्यामुळे आता टीम इंडिया 20 ओव्हरमध्ये किती धावा करणार हे पाहणं महत्त्वाचं ठरणार आहे.

नेदरलँड्स वुमन्स क्रिकेट टीम : बाबेट डी लीडे (कॅप्टन आणि विकेटकीपर), हेदर सीजर्स, फेबे मोल्केनबोअर, स्टेरे कॅलिस, रॉबिन रिजके, सान्या खुराना, फ्रेडरिक ओव्हरडीक, आयरिस झविलिंग, कॅरोलिन डी लँगे, सिल्व्हर सीजर्स, इसाबेल वोनिंग, मिर्थ व्हॅन डेन राड, लारा लीमहुइस, रोझाली लॉरेन्स आणि हन्ना लंधीर.

वुमन्स टीम इंडिया : हरमनप्रीत कौर (कर्णधार), ऋचा घोष (विकेटकीपर), शफाली वर्मा, स्मृती मंधाना, जेमिमाह रॉड्रिग्ज, भारती फुलमाळी, दीप्ती शर्मा, श्रेयांका पाटील, अरुंधती रेड्डी, श्री चरणी, क्रांती गौड, नंदनी शर्मा, यास्तिका भाटिया, रेणुका सिंह ठाकूर, राधा यादव.

आयसीसी वुमन्स टी 20i वर्ल्ड कप 2026 स्पर्धेत आज 17 जून रोजी 10 व्या सामन्यात भारत विरुद्ध नेदरलँड्स यांच्यात सामना होणार आहे. या सामन्याला भारतीय वेळेनुसार संध्याकाळी 7 वाजता सुरुवात होणार आहे. तर 6 वाजून 30 मिनिटांनी टॉस होणार आहे.