IPL 2023, GT vs CSK | टीम इंडियाला वर्ल्ड कप जिंकवणाऱ्या मराठमोळ्या खेळाडूचं चेन्नईकडून डेब्यू
आयपीएल 16 व्या मोसमातील पहिल्या सिजनच्या सामन्यातून मराठमोळ्या खेळाडूचं पदार्पण झालं आहे. या बॉलिंग ऑलराउंडरने टीम इंडियाला वर्ल्ड कप जिंकून दिला आहे.
अहमदाबाद | आयपीएल 16 व्या मोसमातील सलामीचा सामना हा गुजरात टायटन्स विरुद्ध चेन्नई सुपर किंग्स यांच्यात खेळवण्यात येतोय. या सामन्यात गुजरातने टॉस जिंकला. कॅप्टन हार्दिक पंड्या याने टॉस जिंकून चेन्नईला बॅटिंगसाठी भाग पाडलंय. या सामन्यातून मराठमोळ्या बॉलिंग ऑलराउंडरने चेन्नई सुपर किंग्सकडून आयपीएलमध्ये पदार्पण केलं आहे. या खेळाडूला आयपीएलच्या 15 व्या मोसमात पदार्पणाची संधी मिळाली नव्हती. मात्र अखेर या मोसमातील पहिल्याच सामन्यात टीम मॅनेजमेंटने विश्वास दाखवत डेब्युची संधी दिली आहे.
महाराष्ट्रातील तुळजापूरच्या बॉलिंग ऑलराउंडर असलेल्या राजवर्धन हंगरगेकर यांचं आयपीएल डेब्यू झालं आहे. त्यामुळे हंगरगेकर कुंटुबियांमध्ये आनंदाचं वातावरण आहे. टीम इंडियाने 2022 मध्ये अंडर 19 वर्ल्ड कप जिंकला होता. यामध्ये राजवर्धन याने मोलाची भूमिका बजावली होती.
चेन्नई सुपर किंग्स प्लेइंग इलेव्हन | महेंद्रसिंह धोनी (कर्णधार), ऋतुराज गायकवाड, डेव्हॉन कॉनवे, बेन स्टोक्स, अंबाती रायुडू, मोईन अली, रविंद्र जडेजा, शिवम दुबे, दीपक चहर, मिचेल सँटनर आणि राजवर्धन हंगरगेकर
गुजरात टायटन्स प्लेइंग इलेव्हन | हार्दिक पांड्या (कॅप्टन), शुबमन गिल, ऋद्धीमान साहा (विकेटकीपर), केन विल्यमसन, विजय शंकर, राहुल तेवतिया, आर खान, मोहम्मद शमी, जोशवा लिटल, वाय दयाल आणि अल्जारी जोसेफ.