
आयपीएलच्या 17 व्या मोसमातील 25 व्या सामन्यात मुंबई इंडियन्स विरुद्ध रॉयल चॅलेंजर्स बंगळुरु असा सामना होणार आहे. हार्दिक पंडया याच्या नेतृत्वात मुंबई इंडियन्स खेळणार आहे. तर फाफ डु प्लेसीस आरसीबीचं कर्णधारपद सांभाळणार आहे. मुंबईचा हा चौथा आणि बंगळुरुचा सहावा सामना असणार आहे. मुंबईने 4 पैकी 1 सामना जिंकलाय. तर बंगळुरुने 5 पैकी 1 वेळा विजयाची चव चाखली आहे. त्यामुळे दोन्ही संघांचा विजय मिळवून ट्रॅकवर परतण्याचा प्रयत्न असणार आहे. तसेच रोहित शर्मा विरुद्ध विराट कोहली असाही हा सामना असणार आहे. या सामन्याबाबत आपण महत्त्वाची माहिती जाणून घेऊयात.
मुंबई विरुद्ध बंगळुरु सामना गुरुवारी 11 एप्रिल रोजी होणार आहे.
मुंबई विरुद्ध बंगळुरु सामना वानखेडे स्टेडियम, मुंबई येथे होणार आहे.
मुंबई विरुद्ध बंगळुरु सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.
मुंबई विरुद्ध बंगळुरु सामना टीव्हीवर स्टार स्पोर्ट्स नेटवर्कवरील चॅनेल्सवर पाहता येईल.
मुंबई विरुद्ध बंगळुरु सामना मोबाईलवर जिओ सिनेमा एपवर फुकटात पाहता येईल.
मुंबई इंडियन्स टीम : हार्दिक पंड्या (कॅप्टन), रोहित शर्मा, टीम डेव्हिड, इशान किशन, विष्णू विनोद, नेहल वढेरा, सूर्यकुमार यादव, देवाल्ड ब्रेविस, पियुष चावला, श्रेयस गोपाल, अंशुल कंबोज, मोहम्मद नबी, शम्स मुलानी, रोमॅरियो शेफर्ड, तिलक वर्मा, जसप्रीत बुमराह, जेराल्ड कोएत्झी, कुमार कार्तिकेय, आकाश मधवाल, अर्जुन तेंडुलकर, नुवान तुषारा, नमन धीर, शिवालिक शर्मा, ल्यूक वुड आणि क्वेना माफाका.
आरसीबी टीम : फाफ डू प्लेसिस (कॅप्टन), यश दयाल, विजयकुमार वैशाख, विराट कोहली, दिनेश कार्तिक, रीस टोपले, स्वप्नील सिंग, कर्ण शर्मा, हिमांशू शर्मा, राजन कुमार, मोहम्मद सिराज, अल्झारी जोसेफ, लॉकी फर्ग्युसन, मयंक डागर, सुयश प्रभुदेसाई, ग्लेन मॅक्सवेल, महिपाल लोमरोर, विल जॅक्स, कॅमरुन ग्रीन, मोहम्मद सिराज, मनोज भंडागे, आकाश दीप, रजत पाटीदार, सौरव चौहान आणि अनुज रावत.