IPL 2024: रवींद्र जडेजा याचा हवेत जबरदस्त झेल, अंपायरसुद्धा झाला कंफ्यूज

चेन्नई सुपर किंग्सचा खेळाडू रवींद्र जडेजा आपल्या दर्जेदार फलंदाजी आणि गोलंदाजीमुळे ओळखला जातो. परंतु मैदानात असताना सर्वोत्कृष्ट क्षेत्ररक्षणासाठी त्याची ओळख आहे. अनेक वेळा त्याचा फिल्डींगचे फोटो आणि व्हिडिओ व्हायरल झाले आहेत. शुक्रवारी त्याने पुन्हा एक जबरदस्त कॅच घेतला. लखनऊ सुपर जायंट्स विरोधातील सामन्यातील या कॅचमुळे अंपायरसुद्धा कंफ्यूज झाला होता. या कॅचचा व्हिडिओ चांगलाच व्हायरल झाला आहे.

के. एल. राहुलचा घेतला झेल

17व्या षटकापर्यंत लखनऊचा संघ भक्कम स्थितीत होता. कर्णधार के. एल. राहुल 52 चेंडूत 9 चौकार आणि 3 षटकारांसह 82 धावा केल्यानंतर खेळत होता. यावेळी चेन्नई सुपर किंग्सकडून के. एल. राहुलची विकेट घेण्यासाठी प्रयत्न केले जात होते. मग मथिशा पाथिराना 18 वे षटक टाकण्यासाठी आला. त्याने पहिला चेंडू टाकला तेव्हा के.एल. राहुल याने बॅकवर्ड पॉईंटवर शॉट मारला. परंतु त्या ठिकाणी जगातील सर्वोत्तम क्षेत्ररक्षक रवींद्र जडेजा उभा होता. त्याने चित्यासारखी झेप घेत एका हाताने अप्रतिम कॅच पकडला.

रिव्यू घेतल्यानंतर झाले स्पष्ट

जडेजाच्या याने घेतलेल्या या झेलवर अंपायर गोंधळला. अंपायर वाटले खाली पडताना जडेजाच्या हातातील चेंडू जमिनीला स्पर्श झाला असेल. मात्र, रिव्यू घेतल्यानंतर जडेजाने चांगला झेल पकडल्याचे स्पष्ट झाले. नियमानुसार, क्षेत्ररक्षक त्याचा हात पडताना जमिनीला स्पर्श केलेला चालतो. परंतु चेंडू त्याच्या हातात राहिला पाहिजे. चेंडू जमिनीला स्पर्श झाला असता तर जडेजाची मेहनत वाया गेली असती.

You cannot do that Ravindra Jadeja! 🤐#LSGvCSK #TATAIPL #IPLonJioCinema | @ChennaiIPL pic.twitter.com/3KjaacpDwH

— JioCinema (@JioCinema) April 19, 2024

रवींद्र जडेजा यांच्या उत्कृष्ट क्षेत्ररक्षणामुळे के. एल. राहुल याची धमाकेधार खेळ संपुष्टात आली. त्याला शतकही पूर्ण करता आले नाही. मात्र, राहुल याच्यानंतर संघातील निकोलस पूरन आणि मार्कस स्टॉइनिस यांनी जबाबदारी सांभाळली. त्यांनी शानदार फलंदाजी करत आपल्या संघाला 6 चेंडू बाकी असताना 8 विकेट्स राखून नेत्रदीपक विजय मिळवून दिला.  केएलने 82 धावा केल्या. तर क्विंटन डी कॉकने 54 रन्स केल्या. निकोलस पूरन आणि मार्कस स्टोयनिस या जोडीने अनुक्रमे 23 आणि 8 धावा केल्या.