IPL 2026, GT vs PBKS: नाणेफेकीचा कौल जिंकत गुजरातची गोलंदाजीला पसंती, शुबमन गिल म्हणाला..

आयपीएल 2026 स्पर्धेतील 46व्या सामन्यात गुजरात टायटन्स आणि पंजाब किंग्स यांच्यात लढत होत आहे. पंजाब किंग्सने या स्पर्धेत जबरदस्त कामगिरी केली आहे. तर गुजरात टायटन्स कामगिरी संमिश्र राहिली आहे. स्पर्धेतील साखळी फेरीचा शेवटचा टप्पा सुरू असून प्लेऑफची रंगत वाढली आहे. त्यामुळे या सामन्याचं महत्त्व वाढलं आहे. अजूनही एकाही संघाने प्लेऑफमध्ये जागा मिळवलेली नाही. हा सामना जिंकून पंजाब किंग्सचा प्लेऑफमध्ये जागा पक्की करण्याचा मानस असणार आहे. असं असताना दोन्ही संघ आमनेसामने आले आहेत. या सामन्यात नाणेफेकीचा कौल हा गुजरात टायटन्सच्या बाजूने लागला आणि शुबमन गिलने प्रथम गोलंदाजी निवडली.

शुबमन गिल म्हणाला की, आम्ही प्रथम गोलंदाजी करणार आहोत. गेल्या काही सामन्यांमध्ये आम्ही लक्ष्याचा चांगला पाठलाग करत आहोत आणि आमची गोलंदाजीही चांगली कामगिरी करत आहे, त्यामुळे हीच लय कायम राहील. आम्ही आमच्या मधल्या फळीने सामना संपवण्याबद्दल बोललो होतो आणि राहुलने ज्या प्रकारे कामगिरी केली ते अप्रतिम होते. सुरुवातीला गोलंदाजांसाठी काहीतरी विशेष असते. योग्य वेळी सर्वोत्तम कामगिरी करणे महत्त्वाचे आहे, आम्ही तेच करत आहोत आणि मला वाटते की आमचा सर्वोत्तम सामना अजून व्हायचा आहे. एक बदल केला असून संधू पदार्पण करत आहे.

श्रेयस अय्यर म्हणाला की, खेळपट्टी सुंदर दिसत आहे, त्यावर थोडे गवत आहे आणि काळी माती असूनही चेंडूला चांगली उसळी मिळत आहे. आम्ही यावर यापूर्वीही खेळलो आहोत. गोलंदाजीमध्ये झेवियर आणि वैशाक संघात येत आहेत. ही एक तीव्र स्पर्धा आहे, आम्हाला प्रवास करून प्रत्येक सामन्यात नव्या जोमाने मैदानात उतरावे लागेल. हा फक्त एक सामान्य सामना आहे आणि आम्ही आमचे सर्वोत्तम प्रयत्न करू.

दोन्ही संघांची प्लेइंग 11

गुजरात टायटन्स (प्लेइंग इलेव्हन): शुबमन गिल (कर्णधार), साई सुदर्शन, जोस बटलर (विकेटकीपर), वॉशिंग्टन सुंदर, निशांत सिंधू, जेसन होल्डर, रशीद खान, अर्शद खान, कागिसो रबाडा, मोहम्मद सिराज, मानव सुथार.

पंजाब किंग्ज (प्लेइंग इलेव्हन) : प्रभसिमरन सिंग (विकेटकीपर), प्रियांश आर्य, कूपर कोनोली, श्रेयस अय्यर (कर्णधार), मार्कस स्टॉइनिस, सूर्यांश शेडगे, नेहल वढेरा, मार्को जॅनसेन, झेवियर बार्टलेट, अर्शदीप सिंग, युझवेंद्र चहल.