IPL 2026: आरसीबीच्या खेळाडूची सोन्याची चैन कोणी शोधली? केकेआरविरुद्धच्या सामन्यादरम्यान असं घडलं
RCB vs KKR: जगभरात सोन्याच्या किमती गगनाला भिडल्या आहेत. त्यामुळे सोन्याची वस्तू हरवणं म्हणजे जीव गहाण ठेवण्यासारखं आहे. आरसीबी आणि केकेआर सामन्यात असंच घडलं. पण मैदानात पडलेली चैन अखेर सापडली आणि जीव भांड्यात पडला. कसं काय ते समजून घ्या
Jacob Bethells Gold Chain: आयपीएल 2026 स्पर्धा आता अंतिम टप्प्यात पोहोचली आहे. आता एक एक करत प्लेऑफचं चित्र स्पष्ट होत जाणार आहे. गुजरात टायटन्सनंतर आरसीबीने 16 गुणांचं गणित सोडवलं आहे. आयपीएलच्या 57व्या सामन्यात आरसीबीने कोलकाता नाईट रायडर्सला पराभवाची धूळ चारली. तसेच प्लेऑफमधील स्थान पक्कं केलं आहे. असं असताना या सामन्यात एक विचित्र प्रकार घडला. या सामन्यात एक खेळाडू सोन्याची चैन घालून मैदानात उतरला होता. हा खेळाडू दुसरा तिसरा कोणी नाही तर इंग्लंडचा क्रिकेटपटू जॅकब बेथेल होता. रायपूरच्या मैदानात विजयी धावांचा पाठलाग करताना जॅकब बेथेलच्या गळ्यातून सोन्याची चैन पडली. खरं तर मैदानात धावांचा पाठलाग करण्यासाठी गुंग असल्याने त्याला त्याबाबत काहीच कळलं नाही. पण नंतर कळलं तेव्हा त्याची बातमी झाली.
रॉयल चॅलेंजर्स बंगळुरूचा ओपनर जॅकब बेथेलच्या गळ्यातून सोन्याची चैन गायब झाली? 13 मे रोजी आरसीबी विरुद्ध केकेआर सामन्यादरम्यान ही घटना घडली. जॅकब बेथेल बाद झाल्यानंतर हा प्रकार समोर आला. चैन स्नॅचिंग तर झाली नाही ना? असा प्रश्न अनेकांना पडला. पण त्याची चैन मैदानात पडली होती. मैदानात फलंदाजी करेपर्यंत त्याला असं काही घडलं याची कल्पना नव्हती. आरसीबीच्या डावाच्या चौथ्या षटकाच्या दुसऱ्या चेंडूवर जॅकब बेथेल बाद झाला. वेगवान गोलंदाज कार्तिक त्यागीने टाकलेला बाउंसर मारताना झेल बाद झाला. बाउंसर टाकलेला चेंडू पहिल्यांदा हाताला लागला आणि नंतर हेल्मेटला लागला. चेंडू हेल्मेटला आदळल्यानंतर एक झटका बसला आणि सोन्याची चैन पडली.
Kartik Tyagi’s deadly bouncer hit Jacob Bethell on the helmet and his 24-carat gold chain fell on the ground 😳 Devdutt Padikkal picked up the gold chain and handed it over to the umpire. Jacob Bethell suffered a huge loss after the expensive gold chain dropped on the field 💔 pic.twitter.com/YpjPFNXMNB
— Deshi Beast (@DeshiBeast35) May 13, 2026
कार्तिक त्यागीने जॅकब बेथेलचा झेल पकडणअयात कोणतीच चूक केली नाही. बाद झाल्यानंतर जॅकब बेथेल डगआऊटमध्ये जात होता. या दरम्यान चैन पडल्याची कल्पना त्याला नव्हती. जॅकब बाद झाल्यानंतर मैदानात देवदत्त पडिक्कल फलंदाजीला आला. तेव्हा त्याला मैदानात जॅकबची चैन पडल्याचं दिसलं. त्याने चैन उचलली आणि पंचांनी दिली.
केकेआरने विजयासाठी दिलेल्या 193 धावांचा पाठलाग कताना जॅकब बेथेलच्या रुपाने पहिला धक्का बसला. त्याने 12 चेंडूत 2 चौकार आणि 1 षटकार मारत 15 धावा केल्या. पण त्यानंत विराट कोहलीने डाव सावरला आणि संघाला विजयाच्या वेशीवर नेलं. आरसीबीने विजयी लक्ष्य 19.1 षटकात 4 गडी गमवून पूर्ण केलं.
