IRE vs IND 2nd T20I | आयर्लंडने शेवटपर्यंत झुंजवलं, मात्र टीम इंडियाच विनर, सामन्यासह मालिका जिंकली

डब्लिन | टीम इंडियाची बॉलिंग साईड स्ट्राँग असूनही आयर्लंडला दुसऱ्या टी 20 सामन्यात ऑलआऊट करण्यात अपयश आलं. टीम इंडियाने आयर्लंडला विजयासाठी 186 धावांचं आव्हान दिलं. टीम इंडियाच्या गोटात एकसेएक बॉलर आहेत. मात्र टीम इंडियाला आयर्लंडला 20 ओव्हरआधी काही रोखता आलं नाही. आयर्लंडला सामना जिंकता आला नाही, मात्र त्यांनीही शेवटपर्यंत चांगलीच झुंज दिली. आयर्लंडने 186 धावांचा पाठलाग करताना 20 ओव्हरमध्ये 8 विकेट्स गमावून 152 धावा केल्या. अशा प्रकारे टीम इंडियाने 33 धावांसह ही मालिकाही 2-1 अशा फरकाने जिंकली. टीम इंडियाचा आयर्लंड विरुद्धचा हा सलग सातवा विजय ठरला.

आयर्लंडकडून एंड्र्यू बालबर्नी याने सर्वाधिक 72 धावांती खेळी केली. कॅप्टन पॉल स्टर्लिंग आणि लॉर्कन टकर दोघेही भोपळाही फोडू शकले नाहीत. हॅरी टकर 7 रन्स करुन माघारी परतला. कर्टिस कॅम्फर याने 18, जॉर्ज डॉकरेल 13 आणि मार्क अडायर याने 23 धावांचं योगदान दिलं. बॅरी मॅककार्थी याने 2 रन करुन मैदानाबाहेरचा रस्ता धरला. तर क्रेग यंग आणि जोशुआ लिटील नाबाद परतले.

टीम इंडियाकडून कॅप्टन जसप्रीत बुमराह, प्रसिद्ध कृष्णा आणि रवी बिश्नोई या तिघांनी प्रत्येकी 2 विकेट्स घेतल्या. तर अर्शदीपने 1 विकेट घेतली.

टीम इंडियाचा आयर्लंड विरुद्ध हॅट्रिक मालिका विजय

दरम्यान टीम इंडियाने या विजयासह आयर्लंड विरुद्ध सलग तिसऱ्यांदा टी 20 मालिका जिंकली आहे. याआधी टीम इंडियाने 2018 मध्ये विराट कोहली आणि त्यानंतर 2022 मध्ये हार्दिक पंड्याच्या कॅप्टन्सीत आयर्लंड विरुद्ध टी 20 मालिका जिंकली होती. त्या दोन्ही मालिका 2 सामन्यांच्या होत्या.

टीम इंडिया प्लेईंग इलेव्हन | जसप्रीत बुमराह (कॅप्टन) ऋतुराज गायकवाड, यशस्वी जयस्वाल, संजू सॅमसन (विकेटकीपर), तिलक वर्मा, रिंकू सिंग, शिवम दुबे, वॉशिंग्टन सुंदर, प्रसिद्ध कृष्णा, अर्शदीप सिंग आणि रवी बिश्नोई.

आयर्लंड प्लेईंग इलेव्हन | पॉल स्टर्लिंग (कॅप्टन), अँड्र्यू बालबर्नी, लॉर्कन टकर (विकेटकीपर), हॅरी टेक्टर, कर्टिस कॅम्फर, जॉर्ज डॉकरेल, मार्क अडायर, बॅरी मॅककार्थी, क्रेग यंग, ​​जोशुआ लिटल आणि बेंजामिन व्हाइट.