LSG vs DC : दिल्ली कॅपिटल्स संघाने जिंकला टॉस, पाहा दोन्ही संघांची playing 11
आयपीएलला सुरूवात झाली असून तिसरा सामना लखनऊ सुपर जायंट्स आणि दिल्ली कॅपिटल्स यांच्यात होणार आहे. भारतरत्न अटलबिहारी वाजपेयी लखनऊ येथील एकना क्रिकेट स्टेडियममध्ये सामना होत आहे.
मुंबई : आयपीएलला सुरूवात झाली असून तिसरा सामना लखनऊ सुपर जायंट्स आणि दिल्ली कॅपिटल्स यांच्यात होत आहे. भारतरत्न अटलबिहारी वाजपेयी लखनऊ येथील एकना क्रिकेट स्टेडियममध्ये सामना होणार आहे. के.एल. राहुल लखनऊ सुपरजायंट्सचे कर्णधारपद भूषवत असून, तर ऋषभ पंतच्या अनुपस्थितीमुळे दिल्लीच्या कर्णधारपदाची जबाबदारी डेव्हिड वॉर्नरकडे सोपवण्यात आली आहे. दिल्ली संघाने टॉस जिंकला असून प्रथम बॉलिंग करण्याचा निर्णय घेतला आहे.
मी गोलंदाजी करण्याचा निर्णय घेतला आहे. आम्हाला परिस्थितीचा आढावा घेण्याचा प्रयत्न करायचा आहे. यासाठी धावांचा पाठलाग करणं गरजेचं आहे. इम्पॅक्ट प्लेयरचा निर्णय गोंधळात टाकणारा असू शकतो पण तणावपूर्ण स्थितीत इम्पॅक्ट प्लेयरची भूमिका महत्त्वाची ठरणार असून खेळण्यास मी उत्सुक असल्याचं डेव्हिड वॉर्नरने म्हटलं आहे.
लखनऊने आयपीएल 2022 मध्ये एलिमिनेटरपर्यंत प्रवास केला होता, ज्यामध्ये दक्षिण आफ्रिकेचा फलंदाज क्विंटन डिकॉकने महत्त्वाची भूमिका बजावली होती. गेल्या मोसमात त्याने 15 सामन्यात 508 धावा केल्या होत्या. मात्र, चालू मोसमातील पहिल्या काही सामन्यांसाठी डी कॉक उपलब्ध नाही, त्यामुळे लखनऊची ओपनिंगसाठी डोकेदुखी वाढली आहे.
कर्णधार डेव्हिड वॉर्नर दिल्ली कॅपिटल्ससाठी महत्त्वाचा ठरणार आहे. वॉर्नरशिवाय कुलदीप यादवच्या फिरकीने चमत्कार घडवला, तर प्रतिस्पर्धी संघाचे फलंदाज एकापाठोपाठ एक पॅव्हेलियनचा रस्ता शोधत. त्यासोबतच मिचेल मार्श, पृथ्वी शॉ, रोवमन पॉवेल आणि चेतन साकारिया यांच्यावरही नजर असणार आहे.
लखनऊ सुपर जायंट्स (प्लेइंग इलेव्हन): केएल राहुल (C), काइल मेयर्स, मार्कस स्टॉइनिस, दीपक हुडा, कृणाल पंड्या, निकोलस पूरन (डब्ल्यू), आयुष बडोनी, मार्क वुड, जयदेव उनाडकट, रवी बिश्नोई, आवेश खान
दिल्ली कॅपिटल्स (प्लेइंग इलेव्हन): डेव्हिड वॉर्नर (C), पृथ्वी शॉ, मिचेल मार्श, रिली रोसो, सरफराज खान (W), रोवमन पॉवेल, अक्षर पटेल, कुलदीप यादव, चेतन साकारिया, खलील अहमद, मुकेश कुमार
