महेंद्रसिंह धोनीचा आयपीएल प्रवास थांबला? चेपॉकवरील फोटोग्राफीनंतर चर्चांना उधाण
आयपीएल 2026 स्पर्धेत चेन्नई सुपर किंग्सला पराभवासह मोठा धक्का बसला आहे. प्लेऑफचं गणित किचकट झालं आहे. दुसरीकडे, महेंद्रसिंह धोनीने फोटोशूटमुळे निवृत्तीच्या चर्चांना उधाण आलं आहे. गेल्या काही दिवसांपासून निवृत्तीची चर्चा होती. पण अधिकृत काहीच जाहीर झालेलं नाही.
आयपीएल स्पर्धेच्या इतिहासात सर्वात यशस्वी ठरलेल्या चेन्नई सुपर किंग्सचा कर्णधार महेंद्रसिंह धोनीने निवृत्ती जाहीर केल्याची चर्चा रंगली आहे. पण अधिकृतरित्या कुठेच काहीच सांगितलेलं नाही. पण चेपॉक मैदानातील फोटोग्राफीमुळे तशी चर्चा रंगली आहे. चेन्नई सुपर किंग्सने महेंद्रसिंह धोनीच्या नेतृत्वात पाच वेळा जेतेपद मिळवलं आहे. त्यामुळे चेन्नई सुपर किंग्स आणि धोनी एक समीकरण आहे. 2021 पासून त्याच्या निवृत्तीची चर्चा होती. त्याने 2021 ला एक इच्छाही व्यक्त केली होती. चेपॉकवर शेवटचा सामना खेळण्याची इच्छा व्यक्त केली होती. पण तसं काही झालं नाही. आयपीएल 2026 स्पर्धेत सुरूवातीपासूनच त्याला खेळता आलं नाही. दुखापतीमुळे या स्पर्धेत एकही सामना खेळला नाही. सनरायझर्स हैदराबादविरुद्ध घरच्या मैदानावर चेन्नई सुपर किंग्सचा शेवटचा सामना होता. या सामन्यात महेंद्रसिंह धोनी खेळेल अशी अपेक्षा होती. मात्र या सामन्यालाही मुकला. पण पहिला डाव संपला आणि धोनीसोबत फोटोसेशन झालं. त्यामुळे या सामन्यानंतर निवृत्ती घेतली असं सोशल मीडियावर चर्चासत्र रंगलं आहे.
पहिल्या डावानंतर महेंद्रसिंह धोनी फोटोशूटसाठी मैदानात उतरला. चेन्नई सुपर किंग्सचा घरच्या मैदानातील 19 व्या मोसमातील शेवटचा सामना असल्याने मैदानात आला. या सामन्यापूर्वी आर अश्विन आणि मोहम्मद कैफने हा शेवटचा सामना असेल असा अंदाज व्यक्त केला होता. पण तसं काही झालं नाही. त्यामुळे धोनी सामन्याच्या निकालानंतर निवृत्ती निर्णय जाहीर करेल, असा अंदाज वर्तवण्यात येत होता. मात्र तसंही झालं नाही. मात्र तो धोनी आहे. त्याने याआधी आंतरराष्ट्रीय क्रिकेटमध्ये कुणालाही कल्पना नसताना निवृत्ती जाहीर केली होती. त्यामुळे धोनी सामन्यानंतर निवृत्तीबाबत काही अपडेट देतो का? याकडे क्रिकेट चाहत्यांचं लक्ष असणार आहे.
💛#WhistlePodu #CSKvSRH pic.twitter.com/csRA1UlQll
— Chennai Super Kings (@ChennaiIPL) May 18, 2026
महेंद्रसिंह धोनीचं आयपीएल करिअर
महेंद्रसिंह धोनी आयपीएल स्पर्धेत 278 सामने खेळला आहे. त्याने 38.3 च्या सरासरीने 5439 धावा केल्या आहेत. धोनी आपल्या क्रिकेट कारकिर्दीत 24 अर्धशतकं ठोकली आहेत. तसेच 264 षटकार मारले आहेत. आतापर्यंत 18 पर्वात महेंद्रसिंह धोनी खेळला. पण 19व्या पर्वात त्याला काही मैदानात उतरता आलं नाही. महेंद्रसिंह धोनीने मागच्या पर्वात चेन्नई सुपर किंग्सचं नेतृत्व केलं होतं. पण यावेळेस मैदानात उतरलाच नाही.
