MI vs LSG IPL 2022: SIX मारल्यानंतर स्टॉयनिसचा गर्लफ्रेंडकडे पाहून इशारा, ब्रेबॉर्न स्टेडियमवर दिसली रोमँटिक मोमेंट

लखनौ सुपर जायंट्स - मार्कस स्टॉयनिस

Image Credit source: Screengrab

मुंबई: आयपीएल 2022 मध्ये मुंबई इंडियन्स आणि लखनौ सुपर जायंट्समध्ये (MI vs LSG) ब्रेबॉर्न स्टेडियमवर सामना सुरु आहे. मुंबईचा कॅप्टन रोहित शर्माने नाणेफेक जिंकून लखनौच्या संघाला प्रथम फलंदाजीला निमंत्रित केलं. लखनौने सुरुवातही जोरदार केली. लखनौच्या फलंदाजांनी मुंबईची गोलंदाजी धोपटून काढली. लखनौने प्रथम फलंदाजी करताना 20 षटकात 199 धावा केल्या. कॅप्टन केएल राहुलने शतक झळकावलं. सामन्याच्या अखेरीस फलंदाजीला आलेल्या मार्कस स्टॉयनिसने (marcus stoinis) नऊ चेंडूत केवळ 10 धावा केल्या. या खेळीत त्याने लगावलेला एक षटकार खूपच सुंदर होता. मार्कस स्टॉयनिसने छोटीशी खेळी केली. पण त्याने आपल्या फॅन्सला (fans) नाराज नाही केलं. स्टॉयनिसने मैदानावर आल्यानंतर पहिल्याच चेंडूवर शानदार षटकार ठोकला. त्याचा तो फटका पाहून फॅन्सबरोबर स्टेडियमवर उपस्थित असलेली त्याची गर्लफ्रेंडही आनंदीत झाली. स्टॉयनिसने षटकार मारल्यानंतर तिच्याकडे पाहिलं.

क्रीझवर तो राहुल सोबत बोलायला गेला

स्टॉयनिस 14 व्या षटकात फलंदाजीसाठी मैदानात आला. मनीष पांडे बोल्ड झाल्यानंतर त्याला पाठवण्यात आलं. मुरुगन अश्विनच्या षटकात पहिल्याच चेंडूवर त्याने षटकार ठोकला. हा गुगली चेंडू होता. 104 मीटर लांब षटकार त्याने ठोकला. षटकार मारल्यानंतर क्रीझवर तो राहुल सोबत बोलायला गेला. त्यावेळी स्टॉयनिस आपल्या गर्लफ्रेंडकडे पाहून इशारा केला. असं वाटलं की हा षटकार तिच्यासाठीच होता. स्टॉयनिसची गर्लफ्रेंड सारा कजारनुकच्या चेहऱ्यावरही हास्य होते.

मागच्यावर्षी त्यांचं ब्रेकअप झालं

स्टॉयनिस मागच्यावर्षीपर्यंत स्पोर्ट्स एंकर स्टेफनी मुलरसोबत रिलेशनशिपमध्ये होता. दोघे बराच काळापासून एकत्र होते. लग्नही करणार होते. पण मागच्यावर्षी त्यांचं ब्रेकअप झालं. त्यानंतर स्टॉयनिस साराच्या प्रेमात पडला. दोघांनी इन्स्टाग्रामवर परस्परासोबतचे फोटो शेयर केले आहेत. दोघे ऐकमेकांना डेट करतात.