Ravindra Dhangekar vs Navnath Ban : महायुतीला सूज आलीय, ऑपरेशनची गरज; धंगेकरांच्या विधानावरून बन यांचा पलटवार

विधान परिषदेच्या निकालानंतर राज्यातील राजकीय वर्तुळात अनेक चर्चांना उधाण आले आहे. यामध्ये रवींद्र धंगेकर आणि नवनाथ बन यांच्यात झालेल्या शाब्दिक चकमकीने लक्ष वेधून घेतले आहे. निवडणुकीतील पराभवाची कारणमीमांसा करताना धंगेकर यांनी महायुतीतील अंतर्गत समन्वयाच्या अभावावर थेट बोट ठेवले. ते म्हणाले की, हे माझे वैयक्तिक मत आहे, परंतु महायुतीला आलेली सूज दिसत आहे आणि यावर ऑपरेशन करण्याची गरज आहे. तिन्ही मित्रपक्षांमध्ये जर योग्य समन्वय नसेल आणि एकमेकांवर कुरघोडी करण्याचा प्रयत्न होत असेल, तर हे योग्य नाही असे त्यांनी स्पष्ट केले.

यावर नवनाथ बन यांनी धंगेकर यांच्या विधानांवर आक्षेप घेत शिवसेनेची अधिकृत भूमिका विचारली. एकनाथजी शिंदे साहेब या आरोपांशी सहमत आहेत का, असा प्रश्न त्यांनी उपस्थित केला. बान यांनी महायुतीचे नेतृत्व देवेंद्रजी फडणवीस, एकनाथ शिंदे आणि सुनेत्राताई पवार यांच्यासारख्या समर्थ नेत्यांच्या हाती असल्याचे सांगितले. समन्वयाने काम केले असते तर महायुतीने पाचही जागा जिंकल्या असत्या, असे बन यांनी नमूद केले. त्यांनी नागपूरमधील पराभवाचे विश्लेषण करताना सेकंड प्रेफरन्स मतांचा आणि बाद झालेल्या मतांचा मुद्दा मांडला. भविष्यात समन्वयाने काम केल्यास महायुती सर्व जागांवर विजय मिळवेल असा विश्वास त्यांनी व्यक्त केला.