मुंबई – बुधवारी झालेल्या 14 व्या सामन्यात कोलकाता नाईट रायडर्सने मुंबई इंडियन्सचा (Mumbai Indians) 5 गडी राखून पराभव केला. कालच्या विजयामुळे कोलकाता नाईट रायडर्सने गुणतालिकेत अव्वल स्थान गाठले आहे. कोलकाता नाईट रायडर्सचा फलंदाज नितीश राणाला (Nitish Rana) इंडियन प्रीमियर लीगमधील मुंबई इंडियन्सविरुद्धच्या सामन्यात स्तर 1 चं उल्लंघन केल्याप्रकरणी शिक्षा सुनावण्यात आली आहे. तसेच जसप्रीत बुमराह (Jasprit Bumrah) याने त्याच्याकडून आचारसंहितेचा भंग झाल्याचं मान्य केलं आहे. जसप्रीत बुमराह आणि नितीश राणा यांना अधिकाऱ्यांनी शिक्षा सुनावली.
Match Report – @patcummins30 stunned everyone with his batting prowess by equalling the record of joint-fastest half-century in the IPL as #KKR chased down the target of 162 with four overs to spare – by @mihirlee_58
More here – https://t.co/2ZlEmA6Eai #TATAIPL #KKRvMI pic.twitter.com/3pS1gpOaTe
— IndianPremierLeague (@IPL) April 6, 2022
नितीश राणाला दहा टक्के रकमेचा दंड सुध्दा आकारण्यात आला आहे. नितीश राणा याने पुण्यात मुंबईविरोधात झालेल्या सामन्यादरम्यान आयपीएल आचारसंहिताचं उल्लंघन केले आहे. त्यामुळे त्याला अधिकाऱ्यांनी फटकारले आहे. याबाबत अधिक माहिती आयपीएलच्या परिपत्रकात देण्यात आली आहे. आयपीएलच्या संकेतस्थळावर याबाबत अधिक माहिती देण्यात आली आहे.
काल झालेल्या सामन्यात बुमराह दोषी आढल्यानंतर त्याला कसल्याही प्रकारचा अर्थिक दंड आकारण्यात आलेला नाही. त्याला पत्रकात समज देण्यात आली आहे. जसप्रीत बुमराह यांने त्याच्याकडून आचारसंहितेचा भंग झाल्याचं मान्य केलं आहे.
कोलकाता संघाकडून मुंबई इंडियन्सला प्रथम फलंदाजीचे आमंत्रण मिळाले आणि संघाने 20 षटकात 4 गडी गमावून 161 धावा केल्या. सूर्यकुमार यादवने 52 तर टिळक वर्माने नाबाद 38 धावा केल्या. किरॉन पोलार्डने 5 चेंडूत नाबाद 22 धावा ठोकल्या. प्रत्युत्तरात केकेआरने हे लक्ष्य 16 षटकांत पाच गडी गमावून पूर्ण केले. व्यंकटेश अय्यर 50 धावा करून नाबाद परतला आणि पॅट कमिन्सने 15 चेंडूत नाबाद 56 धावा केल्या.