NZ vs PAK Live Streaming : न्यूझीलंड-पाकिस्तान आमनेसामने, सुपर 8 मधील पहिलाच सामना किती वाजता?

Pakistan vs New Zealand Super 8 Live Streaming

Image Credit source: Icc and Blackcaps X Account

आयसीसी टी 20i वर्ल्ड कप 2026 स्पर्धेत शनिवार 21 फेब्रुवारीपासून सुपर 8 फेरीला सुरुवात होत आहे. सुपर 8 फेरीत सर्वोत्तम कामगिरी करणारे 8 पैकी 4 संघ उपांत्य फेरीत पोहचतील. तर 4 संघांचं सुपर 8 मध्येच पॅकअप होईल. त्यामुळे या 8 संघांमध्ये सेमी फायनलचं तिकीट मिळवण्यासाठी रस्सीखेच पाहायला मिळणार आहे. सुपर 8 मधील पहिल्याच सामन्यात न्यूझीलंड विरुद्ध पाकिस्तान आमनेसामने असणार आहेत.  सलमान आगा पाकिस्तानचं नेतृत्व करणार आहे. तर डॅरेल मिचेल याच्याकडे न्यूझीलंडच्या कर्णधारपदाची जबाबदारी आहे. हा सामना कुठे पाहायला मिळणार? तसेच सामन्याला किती वाजता सुरुवात होणार? हे जाणून घेऊयात.

न्यूझीलंड विरुद्ध पाकिस्तान सामना कधी?

न्यूझीलंड विरुद्ध पाकिस्तान सामना शनिवारी 21 फेब्रुवारीला होणार आहे.

न्यूझीलंड विरुद्ध पाकिस्तान सामना कुठे?

न्यूझीलंड विरुद्ध पाकिस्तान सामना कोलंबोतील आर प्रेमदासा स्टेडियममध्ये होणार आहे.

न्यूझीलंड विरुद्ध पाकिस्तान सामन्याला किती वाजता सुरुवात होणार?

न्यूझीलंड विरुद्ध पाकिस्तान सामन्याला भारतीय वेळेनुसार संध्याकाळी 7 वाजता सुरुवात होईल. तर 6 वाजून 30 मिनिटांनी टॉस होईल.

न्यूझीलंड विरुद्ध पाकिस्तान सामना टीव्ही-मोबाईलवर कुठे पाहता येईल?

न्यूझीलंड विरुद्ध पाकिस्तान सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर मोबाईल आणि लॅपटॉपवर लाईव्ह मॅच जिओहॉटस्टार एपद्वारे पाहायला मिळेल.

पाकिस्तान न्यूझीलंडवर वरचढ, किवी विरुद्ध किती सामने जिंकलेत?

आयसीसी  टी 20i वर्ल्ड कप स्पर्धेच्या इतिहासात पाकिस्तान विरुद्ध न्यूझीलंड यांच्यात शनिवारी होणारा हा आठवा सामना असणार आहे. आतापर्यंत पाकिस्तान विरुद्ध न्यूझीलंड यांच्यात झालेल्या 7 पैकी सर्वाधिक सामन्यात पाकिस्तानचा दबदबा राहिला आहे. पाकिस्तानने न्यूझीलंडचा 7 पैकी 5 सामन्यांत धुव्वा उडवला आहे. तर न्यूझीलंडला 2 सामनेच जिंकता आले आहेत. त्यामुळे आता पाकिस्तान न्यूझीलंड विरुद्ध सहावा सामना जिंकून सुपर 8 फेरीत विजयी सलामी देणार का? हे पाहणं महत्त्वाचं ठरणार आहे.

दोन्ही संघांची शेवटच्या 5 टी 20i सामन्यांतील कामगिरी

दरम्यान न्यूझीलंडने गेल्या 5 पैकी 3 टी 20i सामन्यांत विजय मिळवला आहे. तर 2 सामन्यांत न्यूझीलंडला पराभूत व्हावं लागलं आहे. तर पाकिस्तानने त्यांच्या शेवटच्या 5 पैकी 4 टी 20i सामने जिंकले आहेत. तर एकमेव सामना गमवावा लागला आहे. टीम इंडियाने पाकिस्तानला याच वर्ल्ड कप स्पर्धेत 15 फेब्रुवारीला पराभूत केलं होतं.