RR vs GT Live Streaming : गुजरातसमोर राजस्थानचं आव्हान, शुबमनसेना गेल्या पराभवाचा हिशोब करणार?

आयपीएल स्पर्धेच्या 19 व्या मोसमातील 52 व्या सामन्यात शनिवारी 9 मे रोजी राजस्थान रॉयल्स विरुद्ध गुजरात टायटन्स आमनेसामने असणार आहेत. या सामन्यानिमित्ताने 2 युवा कर्णधार भिडणार आहेत. रियान पराग राजस्थानचं नेतृत्व करणार आहे. तर शुबमन गिल याच्याकडे गुजरात टायटन्सच्या कर्णधारपदाची जबाबदारी असणार आहे. गुजरात आणि राजस्थान दोन्ही संघांचा हा या मोहिमेतील 11 वा सामना असणार आहे. दोन्ही संघांनी 10 पैकी 6 सामने जिंकले आहेत. त्यामुळे दोन्ही संघांत सातवा सामना जिंकण्यासाठी चुरस पाहायला मिळणार आहे. या सामन्याबाबत महत्त्वाची माहिती जाणून घेऊयात.

राजस्थान रॉयल्स विरुद्ध गुजरात टायटन्स सामना कधी?

राजस्थान रॉयल्स विरुद्ध गुजरात टायटन्स सामना शनिवारी 9 मे रोजी खेळवण्यात येणार आहे.

राजस्थान रॉयल्स विरुद्ध गुजरात टायटन्स सामना कुठे?

राजस्थान रॉयल्स विरुद्ध गुजरात टायटन्स सामना सवाई मानसिंह स्टेडियम, जयपूर इथे होणार आहे.

राजस्थान रॉयल्स विरुद्ध गुजरात टायटन्स सामन्याला किती वाजता सुरुवात होणार?

राजस्थान रॉयल्स विरुद्ध गुजरात टायटन्स सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.

राजस्थान रॉयल्स विरुद्ध गुजरात टायटन्स सामना टीव्ही आणि मोबाईलवर कुठे पाहायला मिळेल?

राजस्थान रॉयल्स विरुद्ध गुजरात टायटन्स सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल. तर लाईव्ह मॅच जिओहॉटस्टार एपद्वारे स्मार्ट टीव्ही, मोबाईल आणि लॅपटॉपद्वारे पाहायला मिळेल.

गुजरातकडे हिशोब करण्याची संधी

गुजरात आणि राजस्थान दोन्ही संघांची 9 मे रोजी आमनेसामने येण्याची 19 व्या मोसमातील दुसरी वेळ असणार आहे. याआधी दोन्ही संघ 4 एप्रिलला आमनेसामने आले होते. त्या सामन्यात राजस्थान टीमने गुजरातवर 6 धावांनी विजय मिळवला होता. त्यामुळे गुजरात राजस्थान विरुद्ध 2 पॉइंट्सचा हिशोब करण्यासाठी मैदानात उतरणार आहे. आता त्यात गुजरातला किती यश येतं हे पाहणं महत्त्वाचं ठरणार आहे.

हेड टु हेड रेकॉर्ड्स

राजस्थान विरुद्ध गुजरात यांच्यातील हा एकूण 10 वा सामना असणार आहे. याआधी उभयसंघात एकूण 9 सामने खेळवण्यात आले आहेत. या 9 पैकी सर्वाधिक 6 सामन्यात गुजरातने विजय मिळवला आहे. तर राजस्थान 3 वेळा यशस्वी ठरली आहे. त्यामुळे आता कोण मैदान मारतो यासाठी निकालापर्यंत प्रतिक्षा करावी लागणार आहे.

पॉइंट्स टेबलमधील दोन्ही संघांची स्थिती

दरम्यान ताज्या आकडेवारीनुसार, नेट रनरेटचा अपवाद वगळल्यास दोन्ही संघांची कामगिरी सारखीच आहे.राजस्थान आणि गुजरातने 10 पैकी 6 सामने जिंकले आहेत. दोन्ही संघांनी प्रत्येकी 4-4 सामने गमावले आहेत. राजस्थान पॉइंट्स टेबलमध्ये चौथ्या तर गुजरात पाचव्या स्थानी आहे. राजस्थानचा नेट रनरेट हा +0.510 असा आहे. तर गुजरातचा नेट रनरेट हा -0.147 इतका आहे.