RR vs RCB Live Streaming : आरसीबी-राजस्थान आमनेसामने, कोण जिंकणार? सामना किती वाजता?
Rajasthan Royals vs Royal Challengers Bengaluru IPL 2026 Live Scorecard : राजस्थान रॉयल्स आणि रॉयल चॅलेंजर्स बंगलुरु दोन्ही संघ 19 व्या मोसमात आतापर्यंत अजिंक्य आहेत. त्यामुळे शुक्रवारी कोणतचा संघ अजिंक्य राहणार? याकडे चाहत्यांचं लक्ष असणार आहे.
आयपीएल स्पर्धेच्या 19 व्या मोसमात (IPL 2026) शुक्रवारी 2 चॅम्पियन संघ आमनेसामने असणार आहेत. पहिल्या मोसमातील चॅम्पियन टीम विरुद्ध गतविजेता यांच्यात ही लढत होणार आहे. राजस्थान रॉयल्स विरुद्ध रॉयल चॅलेंजर्स बंगळुरु यांच्यात कडवी झुंज होणार आहे. राजस्थानचा हा चौथा तर आरसीबीचा हा तिसरा सामना असणार आहे. रियान पराग याच्याकडे राजस्थानच्या नेतृत्वाची सूत्रं आहेत. तर रजत पाटीदार आरसीबीचा कॅप्टन म्हणून जबाबदारी पाहणार आहे. उभयसंघातील सामना हा कधी आणि कुठे होणार? हे आपण जाणून घेऊयात.
राजस्थान रॉयल्स विरुद्ध रॉयल चॅलेंजर्स बंगळुरु सामना कधी?
राजस्थान रॉयल्स विरुद्ध रॉयल चॅलेंजर्स बंगळुरु सामना शुक्रवारी 10 एप्रिलला होणार आहे.
राजस्थान रॉयल्स विरुद्ध रॉयल चॅलेंजर्स बंगळुरु सामना कुठे?
राजस्थान रॉयल्स विरुद्ध रॉयल चॅलेंजर्स बंगळुरु सामना हा गुवाहाटीतील बारसापारा क्रिकेट स्टेडियममध्ये होणार आहे.
राजस्थान रॉयल्स विरुद्ध रॉयल चॅलेंजर्स बंगळुरु सामन्याला किती वाजता सुरुवात होणार?
राजस्थान रॉयल्स विरुद्ध रॉयल चॅलेंजर्स बंगळुरु सामन्याला संध्याकाळी 7 वाजून 30 मिनिटांनी सुरुवात होणार आहे. तर 7 वाजता टॉस होणार आहे.
राजस्थान रॉयल्स विरुद्ध रॉयल चॅलेंजर्स बंगळुरु सामना टीव्हीवर कुठे पाहायला मिळेल?
राजस्थान रॉयल्स विरुद्ध रॉयल चॅलेंजर्स बंगळुरु टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
राजस्थान रॉयल्स विरुद्ध रॉयल चॅलेंजर्स बंगळुरु मॅच मोबाईलवर कुठे पाहायला मिळेल?
राजस्थान रॉयल्स विरुद्ध रॉयल चॅलेंजर्स बंगळुरु मॅच मोबाईलवर जिओहॉटस्टार एपद्वारे लाईव्ह पाहायला मिळेल.
बंगळुरु राजस्थानवर वरचढ, पाहा आकडेवारी
दरम्यान राजस्थान रॉयल्स आणि रॉयल चॅलेंजर्स बंगळुरु दोन्ही संघ आयपीएल स्पर्धेच्या इतिहासात एकूण 34 सामन्यांमध्ये आमनेसामने आले आहेत. आरसीबीने या 34 पैकी राजस्थानच्या तुलनेत 3 सामने जास्त जिंकले आहेत. आरसीबीने 17 सामन्यांमध्ये विजय मिळवला आहे. तर राजस्थानने आरसीबीचा 14 सामन्यांमध्ये धुव्वा उडवत विजय साकारला आहे.
तसेच गुवाहाटी हे राजस्थानचं दुसरं घर आहे. राजस्थानने गेल्या सामन्यात मुंबई इंडियन्सला याच गुवाहाटीतील मैदानात पराभूत केलं होतं. तसेच राजस्थानने सलग 3 सामने जिंकले आहेत. त्यामुळे राजस्थानचा विश्वास दुणावलेला आहे. त्यामुळे आता या दोघांपैकी कोणता संघ आपली विजयी घोडदौड कायम ठेवण्यात यशस्वी ठरणार हे निकालानंतरच स्पष्ट होईल.
