SA vs IND : टीम इंडिया टी 20i मालिकेसाठी सज्ज, दक्षिण आफ्रिकेविरुद्ध भिडणार, पहिला सामना किती वाजता?
South Africa Women vs India Women 1st T20I Live Streaming : वुमन्स टीम इंडिया दक्षिण आफ्रिके विरुद्धच्या टी 20i मालिकेसाठी सज्ज झाली आहे. उभयसंघातील पहिला सामना हा शुक्रवारी 17 एप्रिलला होणार आहे. दोन्ही संघांची वनडे वर्ल्ड कप फायनलनंतर आमनेसामने येण्याची ही पहिलीच वेळ ठरणार आहे.
भारतात आयपीएल स्पर्धेच्या 19 व्या मोसमाचा थरार सुरु असताना क्रिकेट चाहत्यांना शुक्रवार 17 एप्रिलपासून क्रिकेटचा डबल डोस मिळणार आहे. क्रिकेट चाहत्यांना आयपीएलसह वुमन्स टीम इंडियाच्या टी 20i मालिकेचा थरार अनुभवता येणार आहे. वुमन्स टीम इंडिया दक्षिण आफ्रिकेविरुद्ध एकूण 5 टी 20I सामने खेळवणार आहे. टीम इंडिया या टी 20i मालिकेसाठी दक्षिण आफ्रिका दौऱ्यावर आहे. या मालिकेत हरमनप्रीत कौर टीम इंडियाचं नेतृत्व करणार आहे. तर स्मृती मंधाना हीच्याकडे उपकर्णधारपदाची जबाबदारी आहे. तर लॉरा वॉल्वॉर्ड्ट हीच्याकडे दक्षिण आफ्रिकेच्या कर्णधारपदाची जबाबदारी आहे. उभयसंघातील पहिल्या सामन्याला किती वाजता सुरुवात होणार? हे आपण जाणून घेऊयात.
दक्षिण आफ्रिका विरुद्ध टीम इंडिया वुमन्स पहिला टी 20i सामना कधी?
दक्षिण आफ्रिका विरुद्ध टीम इंडिया वुमन्स पहिला टी 20i सामना शुक्रवारी 17 एप्रिला खेळवण्यात येणार आहे.
दक्षिण आफ्रिका विरुद्ध टीम इंडिया वुमन्स पहिला टी 20i सामना कुठे?
दक्षिण आफ्रिका विरुद्ध टीम इंडिया वुमन्स पहिला टी 20i सामना डर्बनमधील किंग्समीड इथे होणार आहे.
दक्षिण आफ्रिका विरुद्ध टीम इंडिया वुमन्स पहिल्या टी 20i सामन्याला किती वाजता सुरुवात होणार?
दक्षिण आफ्रिका विरुद्ध टीम इंडिया वुमन्स पहिल्या टी 20i सामन्याला भारतीय वेळेनुसार रात्री 9 वाजून 30 मिनिटांनी सुरुवात होईल. तर त्याआधी 9 वाजता टॉस होईल.
दक्षिण आफ्रिका विरुद्ध टीम इंडिया वुमन्स पहिला टी 20i सामना टीव्हीवर कुठे पाहायला मिळेल?
दक्षिण आफ्रिका विरुद्ध टीम इंडिया वुमन्स पहिला टी 20i सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
दक्षिण आफ्रिका विरुद्ध टीम इंडिया वुमन्स पहिला टी 20i सामना मोबाईलवर कुठे पाहता येईल?
दक्षिण आफ्रिका विरुद्ध टीम इंडिया वुमन्स पहिला टी 20i सामना मोबाईलवर जिओहॉटस्टार एपद्वारे लाईव्ह पाहायला मिळेल.
टीम इंडियाच दक्षिण आफ्रिकेवर वरचढ
टी 20i क्रिकेटच्या इतिहासात वुमन्स टीम इंडियाच दक्षिण आफ्रिकेवर वरचढ असल्याचं आकड्यातून स्पष्ट होतं. उभयसंघात आतापर्यंत एकूण 19 टी 20i सामने झाल आहेत. टीम इंडियाने त्यापैकी 10 सामने जिंकले आहेत. तर दक्षिण आफ्रिकेने 6 वेळा विजय मिळवला आहे. तर उभयसंघातील 3 सामन्यांचा निकाल लागला नाही. त्यामुळे आता टीम इंडिया या मालिकेत विजयी सलामी देणार की यजमान अपेक्षित सुरुवात करत खातं उघडणार? यासाठी निकालाची वाट पाहावी लागणार आहे.
शेवटच्या मालिकेत कोण जिंकलेलं?
दरम्यान टीम इंडिया-दक्षिण आफ्रिका यांच्यात 2024 साली शेवटची टी 20i मालिका खेळवण्यात आली होती. या 3 सामन्यांच्या मालिकेतील एक सामना हा रद्द झाला होता. तर दोन्ही संघांनी प्रत्येकी 1-1 सामना जिंकला होता. त्यामुळे मालिका 1-1 ने बरोबरीत राहिली होती.
