SA vs IND : दक्षिण आफ्रिका-भारत टी 20I सीरिजसाठी टीम जाहीर, पहिला सामना केव्हा? कॅप्टन कोण?
South Africa vs India Women T20i Series 2026 : दक्षिण आफ्रिका विरुद्ध टीम इंडिया वुमन्स यांच्यातील 5 टी 20i सामने हे 3 स्टेडियममध्ये खेळवण्यात येणार आहेत. एकूण 2 स्टेडियममध्ये 4 सामन्यांचा थरार रंगणार आहे.
भारतात आयपीएल स्पर्धेच्या 19 व्या मोसमाची रंगत पाहायला मिळत आहे. तर दुसऱ्या बाजूला अवघ्या काही दिवसांनी आंतरराष्ट्रीय क्रिकेटमध्ये टी 20I मालिकेचा थरार रंगणार आहे. वुमन्स टीम इंडिया दक्षिण आफ्रिकेविरुद्ध टी 20 मालिकेत 5 सामने खेळणार आहे. टीम इंडियाची महिला ब्रिगेड या सीरिजसाठी दक्षिण आफ्रिकेच्या दौऱ्यावर (India Women Tour Of South Africa 2026) आहे. या मालिकेला 17 एप्रिलपासून सुरुवात होणार आहे. त्याआधी या मालिकेसाठी 15 सदस्यीय संघाची घोषणा केली आहे. क्रिकेट बोर्डाने या मालिकेसाठी कुणाला संधी दिलीय हे जाणून घेऊयात.
दक्षिण आफ्रिका क्रिकेट बोर्डाने सोमवारी 13 एप्रिलला या टी 20I मालिकेसाठी संघ जाहीर केला आहे. यजमान दक्षिण आफ्रिकेसाठी आगामी टी 20I वर्ल्ड कप स्पर्धेच्या पार्श्वभूमीवर ही मालिका फार महत्त्वाची असणार आहे.
लॉरा वॉल्डवॉर्ट कॅप्टन
लॉरा वॉल्डवॉर्ट या टी 20I मालिकेत दक्षिण आफ्रिकेचं नेतृत्व करणार आहे. तर माजी कर्णधार डेन वॅन नीकेर्क हीला दुखापतीमुळे मायदेशातील टी 20I मालिकेला मुकावं लागलं आहे. डेन अजूनही दुखापतीतून पूर्णपणे बरी झालेली नाही. त्यामुळे डेनला या मालिकेतून बाहेर व्हावं लागलं आहे. डेनला गेल्या महिन्यात न्यूझीलंड विरूद्धच्या मालिकेतूनही दुखापतीमुळे बाहेर व्हावं लागलं होतं. तर दुसऱ्या बाजूला बीसीसीआयने काही आठवड्यांआधीच टी 20I मालिकेसाठी भारतीय महिला क्रिकेट संघाची घोषणा केली होती. त्यानुसार हरमनप्रीत कौर टीम इंडियाचं नेतृत्व करणार आहे.
दरम्यान उभयसंघात 17 ते 27 एप्रिल दरम्यान ही टी 20i मालिका खेळवण्यात येणार आहे. या मालिकेचं वेळापत्रक आपण सविस्तर जाणून घेऊयात.
5 सामने आणि 1 मालिका
पहिला सामना, 17 एप्रिल, डरबन, किंग्समीड.
दुसरा सामना, 19 एप्रिल, डरबन, किंग्समीड.
तिसरा सामना, 22 एप्रिल, वाँडरर्स स्टेडियम, जोहान्सबर्ग.
चौथा सामना, 25 एप्रिल, वाँडरर्स स्टेडियम, जोहान्सबर्ग.
पाचवा सामना, 27 एप्रिल, विलूमोरी पार्क, बेनोनी.
दक्षिण आफ्रिका वुमन्स टी 20i मालिकेसाठी सज्ज
Laura Wolvaardt will lead a 15-member South Africa unit for a crucial T20I series against India before the #T20WorldCup 👊
More 👉 https://t.co/cb77Ficrta pic.twitter.com/RkIpgDL7H4
— ICC (@ICC) April 13, 2026
टीम इंडिया विरूद्धच्या टी 20I सीरिजसाठी वुमन्स दक्षिण आफ्रिका : लॉरा वोल्वार्ड (कर्णधार), अनेके बॉश, तझमिन ब्रिट्स, नादिन डी क्लर्क, ॲनेरी डेर्कसेन, अयांडा हलुबी, सिनालो जाफ्ता, अयाबोंगा खाका, सुने लुस, टेबोगो माचेके, एलिज-मारी मार्क्स, नॉनकुलुलेको म्लाबा, कायला रेनेके, तुमी सेखुखुने आणि क्लो ट्रायॉन.
