IPL 2023 Orange Cap Winner | चेन्नई पाचव्यांदा आयपीएल चॅम्पियन, ऑरेन्ज कॅप कुणी पटकावली?

IPL 2023 Final Orange Cap Holder | चेन्नई सुपर किंग्स गुजरात टायटन्स टीमवर 5 विकेट्सने विजय मिळवत पाचव्यांदा आयपीएल चॅम्पियन ठरली आहे. ऑरेन्ज कॅप कुणी जिंकली?

IPL 2023 Orange Cap Winner | चेन्नई पाचव्यांदा आयपीएल चॅम्पियन, ऑरेन्ज कॅप कुणी पटकावली?
Follow us
| Updated on: May 30, 2023 | 10:49 AM

अहमदाबाद | चेन्नई सुपर किंग्स टीमने गुजरात टायटन्स टीमवर शेवटच्या बॉलवर सनसनाटी विजय मिळवत पाचव्यांदा आयपीएल चॅम्पियन ठरली आहे. चेन्नईला विजयासाठी शेवटच्या 2 बॉलमध्ये 10 धावांची गरज होती. तेव्हा रविंद्र जडेजा याने सिक्स आणि त्यानंतर शेवटच्या बॉलवर चौकार ठोकत चेन्नईला सनसनाटी विजय मिळवून दिला. चेन्नई यासह डकवर्थ लुईस नियमानुसार 5 विकेट्सने विजय झाली. चेन्नईने या विजयासह मुंबई इंडियन्सच्या सर्वाधिक 5 वेळा ट्रॉफी जिंकण्याच्या विक्रमाची बरोबरी केली आहे.

गुजरातने 20 ओव्हरमध्ये 4 विकेट्स गमावून 214 धावा केल्या होत्या. त्यामुळे चेन्नईला विजयासाठी आधी 215 धावांचं आव्हान मिळालं होतं. मात्र चेन्नईच्या बॅटिंगला सुरुवात झाल्याच्या 3 बॉलनंतर पावसाची एन्ट्री झाली. पावसामुळे काही तास वाया गेले. त्यामुळे चेन्नईला डकवर्थ लुईस नियमानुसार 15 ओव्हर्समध्ये विजयासाठी 171 धावांच सुधारित आव्हान मिळालं. हे आव्हान चेन्नईने 5 विकेट्सच्या मोबदल्यात पूर्ण केलं.

चेन्नईकडून दुर्देवाने कॅप्टन महेंद्रसिंह धोनी याचा अपवाद वगळता सर्वांनी विजयात योगदान दिलं. चेन्नईकडून डेव्हॉन कॉनव्हे याने सर्वाधिक 47 धावांची खेळी केली. ऋतुराज गायकवाड 26 धावा करुन माघारी परतला. अंजिक्य रहाणेने 4 मोठ्या फटक्यांच्या मदतीने 27 धावा केल्या. आपली शेवटची मॅच खेळत असलेल्या अंबाती रायुडू याने निर्णायक क्षणी 8 बॉलमध्ये 2 सिक्स आणि 1 चौकारच्या मदतीने 19 धावा ठोकल्या. त्यानंतर पुढच्याच बॉलवर धोनी आऊट झाला. धोनीला दुर्देवाने भोपळाही फोडता आला नाही. त्यानंतर शिवम दुबे आणि रविंद्र जडेजा या जोडीने चेन्नईला विजयी केलं. शिवम दुबे याने 21 बॉलमध्ये 32 धावांची नाबाद खेळी साकारली. तर रविंद्र जडेजा याने फक्त 6 बॉलमध्ये 1 सिक्स आणि 1 फोर मारत चेन्नईला विजयी केलं.

गुजरात टायटन्सची बॅटिंग

त्याआधी चेन्नई सुपर किंग्सने टॉस जिंकून गुजरात टायटन्सला बॅटिंगसाठी भाग पाडलं. गुजरातने 20 ओव्हरमध्ये 4 विकेट्स गमावून 214 धावा केल्या. गुजरातकडून साई सुदर्शन याने सर्वाधिक 96 धावांची खेळी केली. ऋद्धीमान साहा याने 54 धावांची अर्धशतकी खेळी केली. शुबमन गिल 39 रन्स करुन आऊट झाला. कॅप्टन हार्दिक पंड्या याने अखेरच्या काही षटकांमध्ये फटकेबाजी करत नॉट आऊट 21 रन्स केल्या. तर राशिद खान याला भोपळाही फोडता आला नाही. चेन्नईकडून मथिश पथिराना याने सर्वाधिक 2 विकेट्स घेतल्या. तर रविंद्र जडेजा आणि दीपक चाहर या दोघांनी प्रत्येकी 1-1 विकेट घेतली.

ऑरेन्ज कॅप कुणाची?

चेन्नईने पाचव्यांदा ट्रॉफी जिंकली खरी,पण चेन्नईच्या खेळाडूंपैकी एकाही फलंदाजाला ऑरेन्ज कॅप जिंकण्यात यश आलं नाही. मात्र डेव्हॉन कॉनव्हे या कॅपच्या शर्यतीत तिसऱ्या क्रमांकावर राहिला. कॉनव्हेने 47 धावांच्या खेळीसह पाचव्या क्रमांकावरुन तिसऱ्या स्थानी झेप घेतली. त्यामुळे विराट कोहली याची चौथ्या आणि यशस्वी जयस्वाल पाचव्या क्रमांकावर राहिला आहे. तर गुजरात टायटन्सचा युवा बॅट्समन शुबमन गिल हा या 16 व्या मोसमातील ऑरेन्ज कॅपचा विजेता ठरला आहे.

टीमचं नाव फलंदाजाचं नाव एकूण सामनेएकूण धावाहायस्कोअर
गुजरात टायटन्स शुबमन गिल17890 129
रॉयल चॅलेंजर्स बंगळुरुफाफ डु प्लेसिस 1473084
चेन्नई सुपर किंग्स डेव्हॉन कॉनव्हे16 672 92*
रॉयल चॅलेंजर्स बंगळुरु विराट कोहली14639101*
राजस्थान रॉयल्सयशस्वी जयस्वाल14625 124

शुबमन गिल ऑरेन्ज कॅप विनर

चेन्नई सुपर किंग्स प्लेइंग इलेव्हन | महेंद्रसिंह धोनी (कॅप्टन आणि विकेटकीपर), ऋतुराज गायकवाड, डेव्हॉन कॉनवे, अजिंक्य रहाणे, मोईन अली, अंबाती रायुडू, रवींद्र जडेजा, दीपक चहर, मथीशा पाथीराना, तुषार देशपांडे आणि महेश तीक्षना

गुजरात टायटन्स प्लेइंग इलेव्हन | हार्दिक पांड्या (कर्णधार), ऋद्धिमान साहा (विकेटकीपर), शुभमन गिल, साई सुदर्शन, विजय शंकर, डेव्हिड मिलर, राहुल तेवतिया, रशीद खान, मोहित शर्मा, नूर अहमद आणि मोहम्मद शमी.

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.