SL vs IND 2nd T20i Toss: श्रीलंके विरुद्ध कॅप्टन सूर्यकुमारचा फिल्डिंगचा निर्णय, टीम इंडियाला मोठा झटका

सूर्यकुमार यादव याच्या नेतृत्वात टीम इंडिया श्रीलंके विरुद्ध दुसरा टी 20 सामना खेळण्यासाठी सज्ज आहे. चरिथ असलंका हा श्रीलंकेचं नेतृत्व करतोय. या 3 सामन्यांच्या मालिकेतील दुसऱ्या सामन्याचं आयोजन हे पल्लेकेल येथे करण्यात आलं आहे. या सामन्याला भारतीय वेळेनुसार पावसामुळे ओल्या झालेल्या खेळपट्टीमुळे 7 ऐवजी 7 वाजून 45 मिनिटांनी सुरुवात होणार आहे. त्याआधी 7 वाजून 15 मिनिटांनी टॉस झाला. टीम इंडियाने टॉस जिंकला. कॅप्टन सूर्याने फिल्डिंगचा निर्णय घेत श्रीलंकेला बॅटिंगसाठी भाग पाडलं आहे. टीम इंडियाने या दुसऱ्या सामन्यासाठी प्लेइंग ईलेव्हनमध्ये एकमेव बदल केला आहे.

दोन्ही संघात 1 बदल

टीम इंडियाचा सलामीवीर शुबमन गिल याला सामन्याला मुकावं लागलं आहे. मानेच्या दुखण्यामुळे शुबमनला या सामन्यात खेळता येणार नसल्याने त्याच्या जागी संजू सॅमसन याचा समावेश करण्यात आल्याची माहिती कर्णधार सूर्यकुमार यादव याने नाणेफेकीदरम्यान दिली. तर दुसऱ्या बाजूला श्रीलंकेनेही एक बदल केला आहे. दिलशान मधुशंका याच्या जागी रमेश मेंडीस याचा समावेश करण्यात आला आहे.

श्रीलंकेसाठी ‘करो या मरो’

दरम्यान टीम इंडिया या मालिकेत 1-0 ने आघाडीवर आहे. ही मालिका 3 सामन्यांची आहे. त्यामुळे श्रीलंकेला मालिकेतील आव्हान कायम राखायचं असेल, तर हा दुसरा सामना कोणत्याही परिस्थितीत जिंकावा लागणार आहे. त्यामुळे श्रीलंकेसाठी हा सामना ‘करो या मरो’ असा आहे.

उपकर्णधार शुबमन गिल ‘आऊट’

🚨 Toss & Playing XI 🚨#TeamIndia win the toss and elect to bowl first 🙌

Update: Shubman Gill was not available for selection in the 2nd T20I due to a neck spasm.

Follow the Match ▶️ https://t.co/R4Ug6MQGYW#SLvIND pic.twitter.com/HeDbd8k17s

— BCCI (@BCCI) July 28, 2024

श्रीलंका प्लेइंग ईलेव्हन : चरित असलंका (कॅप्टन), पाथुम निसांका, कुसल मेंडिस(विकेटकीपर), कुसल परेरा, कामिंदू मेंडिस, दासुन शनाका, वानिंदू हसरंगा, रमेश मेंडिस, महीश तीक्षना, मथीशा पाथिराना आणि असिथा फर्नांडो.

टीम इंडिया प्लेइंग ईलेव्हन : सूर्यकुमार यादव (कर्णधार), यशस्वी जयस्वाल, संजू सॅमसन, ऋषभ पंत (विकेटकीपर), हार्दिक पंड्या, रियान पराग, रिंकू सिंग, अक्षर पटेल, अर्शदीप सिंग, रवी बिश्नोई आणि मोहम्मद सिराज.