IND vs ENG, Semi Final : अक्षर पटेलने घेतलेला झेल पाहिलात का? उलटा धावत गेला आणि… Video

टी20 वर्ल्डकप 2026 स्पर्धेत भारताचा सामना इंग्लंडशी झाला. या सामन्यातील पहिल्या डावापासून भारताचा वरचष्मा दिसला. भारताने 20 षटकात 7 गडी गमवून 253 धावा केल्या. तसेच विजयासाठी 254 धावांचं आव्हान ठेवलं. भारताने विजयासाठी दिलेल्या 254 धावांचा पाठलाग करताना इंग्लंडला सुरुवातीला दोन धक्के बसले. संघाच्या 13 धावा असताना फिलिप सॉल्ट बाद झाला आणि 38 धावा असताना कर्णधार हॅरी ब्रूक तंबूत परतला. पण हॅरी ब्रूकची विकेट काही सहजासहजी मिळाली. या विकेटसाठी अक्षर पटेलची मेहनत कामी आली. कारण हॅरी ब्रूकने मारलेला चेंडू खूपच वर चढला होता. हॅरी ब्रूकला तंबूत पाठवण्यासाठी अक्षरने जीवाची बाजी लावली असं म्हणायला हरकत नाही.

हॅरी ब्रूक आणि जोस बटलर ही जोडी फोडण्यासाठी कर्णधार सूर्यकुमार यादवने पावरप्लेचं पाचवं षटक जसप्रीत बुमराहकडे सोपवलं. या षटकाचा पहिलाच चेंडू जसप्रीत बुमराहने स्लो टाकला. त्यामुळे हॅरी ब्रूक फटका मारताना चुकला आणि चेंडू खूपच वर चढला. हा चेंडू कव्हरला क्षेत्ररक्षणाला असलेल्या अक्षरपासून लांब होता. पण अक्षर मागे धावत गेला. यावेळी त्याची नजर चेंडूवर कायम होती. चेंडू जसा खाली पडणार तितक्यात त्याने उडी घेतली आणि झेल पकडला. यामुळे हॅरी ब्रूकचा डाव 7 धावांवर आटोपला. अक्षर पटेलच्या या झेलची चर्चा आता होत आहे. कारण जिथे उभा होता तेथून 24 मीटर लांब धावत हा झेल पकडला. 5.44 सेकंदात त्याने हे अंतर कापलं आणि झेल पकडला.

🚨 ICC Men’s T20 World Cup 2026, 2nd Semi-Final, India vs England 🚨

AXAR PATEL, TAKE A BOW! 😱🔥

Jasprit Bumrah deceives Harry Brook… and Axar pulls off a stunning diving catch! 🏏💥#T20WorldCup #INDvENG #ENGvIND pic.twitter.com/iSANMlZzoz

— Sporcaster (@Sporcaster) March 5, 2026

टी20 वर्ल्डकप 2026 स्पर्धेच्या अंतिम फेरीत एका बाजूने न्यूझीलंडने धडक मारली आहे. तर दुसरा कोण हे भारत इंग्लंड सामन्यातून ठरणार आहे. भारताने विशालकाय स्कोअर केल्याने इंग्लंडला खूपच घाम गाळावा लागणार आहे. दुसरीकडे, धडाधड विकेट पडल्या तर हा स्कोअर गाठणं कठीण होईल. पावर प्लेमध्ये इंग्लंडने 3 विकेट गमावल्याने आता इंग्लंडचा संघ अडचणीत आला आहे.