ODI World Cup 2027 स्पर्धेसाठी 12 मैदानं कोणती ते ठरलं, विराटची या खेळपट्ट्यांवर कशी आहे कामगिरी?

वनडे वर्ल्डकप 2027 स्पर्धेला आता अवघ्या एका वर्षांचा अवधी शिल्लक असल्याने जोरदार तयारी सुरू झाली आहे. या स्पर्धेसाठी 12 मैदानांची नावंही जाहीर झाली आहेत. या मैदानात विराट कोहलीची कामगिरी कशी आहे? ते जाणून घेऊयात..

ODI World Cup 2027 स्पर्धेसाठी 12 मैदानं कोणती ते ठरलं, विराटची या खेळपट्ट्यांवर कशी आहे कामगिरी?Image Credit source: PTI

राकेश ठाकुर | Updated on: Jul 31, 2026 | 3:01 PM

वनडे वर्ल्डकप 2027 स्पर्धेला 4 ऑक्टोबरपासून सुरूवात होणार असल्याचं सांगण्यात येत आहे. 21 नोव्हेंबरपर्यंत क्रिकेटचा महाकुंभ दक्षिण अफ्रिकेत भरणार आहे.24 वर्षानंतर अफ्रिकन देशात स्पर्धेचं आयोजन करण्यात आलं आहे. या स्पर्धेसाठी यजमान दक्षिण अफ्रिका, झिम्बाब्वे आणि नामिबिया देशातील एकूण 12 मैदानं ठरवण्यात आली आहेत. दक्षिण अफ्रिकेतील खेळपट्ट्या भारताच्या दृष्टीने खूपच आव्हानात्मक आहेत. कारण या खेळपट्ट्यांवर चेंडू उसळतो, तसेच वेगाने येतो. पण विराट कोहलीला याची जराही चिंता नाही. कारण दक्षिण अफ्रिकेत त्याची बॅट बोलते. चला जाणून घेऊयात विराट कोहलीची वनडे वर्ल्डकप 2027 स्पर्धेसाठी निवडलेल्या 12 मैदानांवरील कामगिरी काय ते…

वनडे वर्ल्डकप 2027 स्पर्धेची 12 मैदानं

दक्षिण आफ्रिकेतील वाँडरर्स स्टेडियम (जोहान्सबर्ग), सेंच्युरियन (त्वाने), न्यूलँड्स क्रिकेट ग्राउंड (केपटाऊन), किंग्समीड क्रिकेट ग्राउंड (डर्बन), सेंट जॉर्जेस पार्क (ग्केबेरा), मंगांग ओव्हल (ब्लूमफॉन्टेन), बोलंड पार्क (पार्ल), बफेलो पार्क (कुगोम्पो सिटी) अशी आठ मैदानं आहेत. तर झिम्बाब्वेतील झिम्बाब्वे: हरारे स्पोर्ट्स क्लब (हरारे), क्वीन्स स्पोर्ट्स क्लब (बुलावायो), नवीन क्रिकेट स्टेडियम (व्हिक्टोरिया फॉल्स) अशी तीन मैदानं आहे. तर नामिबियात नवीन आंतरराष्ट्रीय स्टेडियम (विंडहोक)या स्पर्धेसाठी सज्ज आहे.

वनडे वर्ल्डकप 2027 स्पर्धेतील संघात विराट कोहली असणार यात काही शंका नाही. विराट कोहलीने इंग्लंडविरुद्धच्या वनडे सामन्यात आपली खेळी दाखवली आहे. त्यामुळे दक्षिण अफ्रिकेत संघाचा भाग असेल आणि त्याच्याकडे असलेल्या अनुभवाचा संघाला नक्कीच फायदा होईल असं क्रीडाप्रेमी म्हणत आहेत. बारा पैकी आठ मैदानात विराट कोहलीने फलंदाजी केली आहे. तर चार मैदानात खेळलेला नाही. आठ मैदानात विराट कोहलीने 25 डाव खेळले आहेत. त्यात 71.47 च्या सरासरीने 1358 धावा केल्या आहेत. यात 4 शतकं आणि 9 अर्धशतकांचा समावेश आहे. विराटला पाचवेळा सामनावीराचा पुरस्कारही मिळाला आहे.

Venues for 2027 Worldcup

Newlands, Capetown (SA) Wanderers Stadium, Johannesburg (SA) Supersports Park, Centurion (SA) St. George’s Park, Gqeberha (SA) Mangaung Oval, Bloemfontein (SA) Kingsmead, Durban (SA) Boland Park, Paarl (SA) Buffalo Park, Kugumpo City (SA) Queen Sports… pic.twitter.com/HM8uFjJbGc

— 𝑺𝒉𝒆𝒃𝒂𝒔 (@Shebas_10dulkar) July 30, 2026