Video : ट्रिस्टन स्टब्स भारतीय चाहत्यांवर भडकला, दुबेने षटकार मारल्यानंतर भर मैदानात घडलं असं काही

टी20 वर्ल्डकप 2026 स्पर्धेतील भारताचा विजयरथ अखेर दक्षिण अफ्रिकेने रोखला. साखळी फेरीत चार सामने जिंकून आलेल्या भारतीय संघाला सुपर 8 फेरीच्या पहिल्याच सामन्यात दणका बसला आहे. दक्षिण अफ्रिकेने भारताला 76 धावांनी पराभवाची धूळ चारली. पण या सामन्यात बरंच काही घडलं. एक प्रसंग असा आला की दक्षिण अफ्रिकन खेळाडू ट्रिस्टन स्टब्सला भारतीय चाहत्यांसोबत हुज्जत घालावी लागली. पण असं का झालं? भारतीय चाहत्यांवर रागवण्याचं कारण काय? असा प्रश्न पडल्याशिवाय राहात नाही. तुम्हालाही असाच प्रश्न पडला असणार आहे. ट्रिस्टन स्टब्स वाद घालत असलेला व्हिडीओ सोशल मीडियावर व्हायरल होत आहे. या व्हिडीओनुसार ट्रिस्टन स्टब्स स्टेडियमच्या स्टँडमध्ये बसलेल्या भारतीय चाहत्यांसोबत तू तू मै मै करताना दिसत आहे. चला जाणून घेऊयात सविस्तर काय झालं ते?

भारतीय संघाच्या हातून सामना पूर्णपणे निघून गेला होता. शिवम दुबे शेवटच्या काही षटकात नेट रनरेट लक्षात घेऊन झुंज देत होता. तेव्हा कगिसो रबाडाचं षटक त्याला फायद्याचं ठरलं. या षटकात त्याने दोन षटकार मारले. तर एक षटकार मार्को यानसेनच्या गोलंदाजीवर मारला. हा चेंडू थेट स्टेडिमयमच्या स्टँडमध्ये गेला. या स्टँडमध्ये बहुतांश भारतीय चाहते बसले होते. षटकार मारलेला चेंडू आणण्यासाठी ट्रिस्टन स्टब्स जेव्हा गेला. तेव्हा त्याच्याकडे भारतीय चाहत्यांनी चेंडू दिलाच नाही. त्यामुळे ट्रिस्टन स्टब्स वैतागला. त्याने भारतीय चाहत्यांना खडे बोल सुनावले.

🚨Tristan Stubbs got angry when fans did not return the ball after Shivam Dube’s six during the India vs South Africa Super 8 match in Ahmedabad.😭 pic.twitter.com/wlZGsvnt7f

— Sonu (@Cricket_live247) February 23, 2026

ट्रिस्टन स्टब्सचा विक्रम

टी20 वर्ल्डकप स्पर्धेत ट्रिस्टन स्टब्सच्या नावावर एक विक्रम नोंदवला गेला आहे. एकाच षटचकात तीन झेल घेणारा खेळाडू ठरला आहे. यापूर्वी विकेटकीपरच्या नावावर असा विक्रम होता. पण खेळाडू पहिल्यांदाच ठरला आहे. त्याने ही कामगिरी 15व्या षटकात केली. केशव महाराजच्या षटकात लाँग ऑन आणि लाँग ऑफला फिल्डिंग करताना हार्दिक पांड्या, रिंकु सिंह आणि अर्शदीप सिंहचा झेल पकडला. स्टब्सपूर्वी ही कामगिरी न्यूझीलंडचा विकेटकीपर मिशेलने 2024 मध्ये केली होती.