मी तुझ्यासाठी बोली लावणार.. संजीव गोयंका यांचं वैभव सूर्यवंशीसोबत बोलणं, गावसकर यांनी केलं उघड!
आयपीएल 2026 स्पर्धेच्या प्लेऑफचा थरार अजून संपलेला नाही. एक स्थान शिल्लक असून पाच संघात चुरस आहे. असं असताना राजस्थान रॉयलन्सने लखनौला पराभूत करत आशा जिवंत ठेवल्या आहेत. या सामन्यात वैभव सूर्यवंशीचा झंझावात पाहायला मिळाला.
Sanjiv Goenka- Vaibhav Sooryavanshi: 15 वर्षांच्या वैभव सूर्यवंशीने आयपीएलच्या या पर्वात कमाल केली आहे. त्याच्या आक्रमक खेळीमुळे राजस्थान रॉयल्सला फायदा झाला आहे. प्लेऑफच्या दृष्टीने महत्त्वाचा असलेल्या सामन्यात त्याची बॅट पुन्हा एकदा तळपली. लखनौ सुपर जायंट्सविरुद्धचा सामना जिंकण खूपच महत्वाचं होतं. या सामन्यात नाणेफेकीचा कौल जिंकून राजस्थानने प्रथम गोलंदाजी स्वीकारली होती. विजयासाठी 220 धावांचं मजबूत लक्ष्य ठेवलं होतं. पण राजस्थान रॉयल्सने हे लक्ष्य 3 गडी गमवून 19.1 षटकात पूर्ण केलं. या विजयाचा शिल्पकार ठरला तो वैभव सूर्यवंशी… त्याने 38 चेंडूत 10 षटकार आणि 7 चौकार मारत 93 धावांची खेळी केली. त्याच्या या खेळीमुळे राजस्थान रॉयल्सचा विजय सोपा झाला. त्याला या खेळीसाठी सामनावीराच्या पुरस्काराने गौरविण्यात आलं. त्यानंतर संजीव गोयंका आणि त्यांची पत्नी वैभव सूर्यवंशीला भेटण्यासाठी गेले आणि चर्चा केली.
वैभव सूर्यवंशीची भेट घेण्यासाठी गेलेल्या संजीव गोयंका यांना पाहून समालोचक सुनील गावस्कर यांनी मिश्किल टिपणी केली आहे. सामन्यानंतर संजीव गोयंका पराभूत झालेल्या आपल्या संघाशी चर्चा करण्याऐवजी वैभव सूर्यवंशीकडे गेले. यावेळी त्यांची पत्नीही सोबत होती. वैभवने त्या दोघांना पाहताच खाली वाकून पाया पडला.
Rajasthan Royals Hero Vaibhav Suryavanshi winning hearts on & off the field♥️
“After Lucknow Super Giants Vs RR Sanjiv Goenka to meet Vaibhav Sooryavanshi, they started talking for a while. Then shortly after Goenka’s & his wife arrived there. At that moment, when LSG owner… pic.twitter.com/LidEIF0NTw
— MANU. (@IMManu_18) May 19, 2026
वैभव-गोयंका यांच्या भेटीवर गावसकर काय म्हणाले?
संजीव गोयंका यांनी वैभव सूर्यवंशीसोबत संवाद साधला. या दोघांची चर्चा पाहून समालोचक सुनील गावसकर मजेशीर अंदाजात भाष्य केलं. सुनील गावसकर म्हणाले की, संजीव गोयंका वैभवला सांगत आहेत की पुढच्या वर्षी मी तुझ्यासाठी बोली लावणार.
Sanjiv Goenka giving a standing ovation to Vaibhav Sooryavanshi. pic.twitter.com/AowY0wKaFx
— Mufaddal Vohra (@mufaddal_vohra) May 19, 2026
वैभवने गोयंका परिवारातील मुलांना ऑटोग्राफ दिला
वैभव सूर्यवंशीने संजीव गोयंका आणि त्यांच्या पत्नीसोबत चर्चा केली आणि त्यांच्या कुटुंबियातील मुलांना ऑटोग्राफही दिला. वैभव सूर्यवंशी ऑटोग्राफ देत असलेला फोटोही सोशल मीडियावर व्हायरल होत आहे.
Vaibhav Sooryavanshi giving autograph to Sanjiv Goenka’s family.❤️ pic.twitter.com/VlF6TNQgYI
— Maina Singh (@Maina_Singhx77) May 19, 2026
राजस्थान रॉयल्सने लखनौ सुपर जायंट्सला पराभूत करत 2 गुण कमावले आहे. या दोन गुणांसह खात्यात 14 गुण आहेत. राजस्थान रॉयल्सने 13 सामन्यात 7 विजय मिळवले आहेत. आता शेवटचा सामना शिल्लक असून जिंकल्यास प्लेऑफमधील स्थान पक्कं होईल. राजस्थान रॉयल्सचा शेवटचा सामना मुंबई इंडियन्ससोबत होणार आहे.
