IPL 2026: अर्शदीप सिंगच्या गोलंदाजीतील नेमकी अडचण काय? इरफान पठाणने सांगितलं काय चुकतंय?
आयपीएल 2026 स्पर्धेत अर्शदीप सिंग पंजाब किंग्सकडून खेळण्यास सज्ज झाला आहे. टी20 क्रिकेट आंतरराष्ट्रीय क्रिकेटमधील प्रभावी गोलंदाज ठरला आहे. पण त्याच्या गोलंदाजीतील एक उणीव इरफान पठाणने शोधून काढली आहे.
अर्शदीप सिंग टी20 आंतरराष्ट्रीय क्रिकेटमधील सर्वात प्रभावी गोलंदाज ठरला आहे. टी20 वर्ल्डकप 2024 स्पर्धेत सर्वाधिक विकेट घेण्याचा मान त्याला मिळाला होता. तसेच यंदाच्या टी20 वर्ल्डकप स्पर्धेत त्याने 8 सामन्यात 9 विकेट काढल्या. पण त्याची गोलंदाजी तितकी प्रभावी ठरली नाही. त्याने जवळपास साडे आठच्या इकोनॉमी रेटने धावा दिल्या. त्यामुळे त्याचं काही चुकतंय का? असा प्रश्न क्रीडाप्रेमींना पडला आहे. या दोन वर्ल्डकप स्पर्धेदरम्यान त्याच्या गोलंदाजीत बदल दिसून आला आहे. भारताचा माजी अष्टपैलू खेळाडू इरफान पठाणच्या मते, अर्शदीप सिंग नव्या चेंडूने स्विंग करणं विसरला आहे. आशिया कप स्पर्धेच्या पहिला आणि नंतरची तुलनेत नव्या चेंडूने गोलंदाजी करताना त्याच्या आकडेवारीत थोडी उतरण लागल्याचं दिसत आहे. त्याला या गोष्टीवर लक्ष ठेवावं लागेल. तसेच त्याला इकोनॉमी रेटही लक्ष केंद्रीत करावं लागेल.
इरफान पठाणने त्याच्या युट्यूब चॅनेलवर अर्शदीप सिंगबाबात सांगितलं की, ‘अर्शदीप सिंग तू सर्वाधिक विकेट घेणारा गोलंदाज आहे. तो सलग विकेट घेत आहे. पण एक गोष्ट अशी आहे की त्यात त्याला लक्ष घालणं गरजेचं आहे. तो नव्या चेंडूने कशी गोलंदाजी करतो, हे पाहावं लागेल. मागच्या एका वर्षात किंवा त्यापेक्षा कमी वेळेत मी जे काही निरीक्षण केलं, त्यात तो नव्या चेंडूने जास्त इनस्विंग गोलंदाजी करत नाही.’ इरफान पठाणने आयपीएल स्पर्धेपूर्वी त्याला त्याची चूक निदर्शनास आणून दिली आहे. यावर आता अर्शदीप कसं काम करतो हे सामन्यातील कामगिरीवर दिसून येईल.
इरफान पठाणने निवडला पंजाबचा संघ
इरफान पठाणने अर्शदीप सिंगची पडकी बाजू सांगताना पंजाब किंग्सचा संघही निवडला आहे. इरफान पठाणने प्रियांश आर्या आणि प्रभसिमरन सिंगला ओपनर म्हणून निवडलं आहे. तर श्रेयस अय्यरला तिसऱ्या किंवा चौथ्या क्रमांकावर पाठवलं पाहिजे असं मत व्यक्त केलं. त्यानंतर नेहल वढेरा, मार्क्स स्टोयनिस आणि शशांक सिंहला पसंती दिली आहे. फिरकीसाठी हरप्रीत ब्रार, तर वेगवान गोलंदाज म्हणून मार्को यानसेन, अर्शदीप सिंग आणि बेन डवारशुईस/लॉकी फर्ग्युसनला पसंती दिली आहे. तर इम्पॅक्ट प्लेयर म्हणून युझवेंद्र चहलची निवड केली आहे.
