वानखेडे स्टेडियमवर टीम इंडियाच्या जर्सीत थिरकलेली ‘ही’ तरुणी कोण? सोशल मीडियावर होतेय तिच्या डान्सची चर्चा
IND vs USA च्या मॅच दरम्यान स्टेडियममध्ये डान्स करणारी ती मुलगी कोण? जिच्या डान्सची देशभरात सुरु आहे चर्चा.
Tanvi Gadkari : मुंबईस्थित अभिनेत्री, नृत्यांगना आणि डिजिटल कंटेंट क्रिएटर तन्वी गडकरी सध्या सोशल मीडियावर प्रचंड चर्चेत आली आहे. भारत विरुद्ध अमेरिका ICC टी-20 विश्वचषक 2026 सामन्यादरम्यान मुंबईच्या वानखेडे स्टेडियमवर तिने केलेला उत्स्फूर्त डान्स सध्या सोशल मीडियावर तुफान व्हायरल होत आहे.
हा व्हिडीओ खास ठरण्याचं कारण म्हणजे, टीम इंडियाचा कर्णधार सूर्यकुमार यादवची शानदार बॅटिंगनंतर स्टेडियममधील जल्लोष टिपताना कॅमेऱ्याची नजर थेट तन्वीवर पडली. भारतीय संघाची जर्सी घालून प्रेक्षकांमध्ये उभी राहून ती आनंदाने थिरकत असल्याचं दृश्य थेट लाईव्ह टीव्हीवर दाखवण्यात आलं. तिची ऊर्जा, आनंद आणि आत्मविश्वास पाहून अनेक प्रेक्षकांचे लक्ष तिच्याकडे वेधले गेले.
‘हा माझा पहिलाच लाईव्ह क्रिकेट सामना होता’
तन्वी गडकरीने स्वतः हा व्हिडीओ आपल्या इंस्टाग्राम अकाउंटवर शेअर केला आहे. कॅप्शनमध्ये तिने लिहिलं की, ‘हा माझ्या आयुष्यातील पहिलाच क्रिकेट सामना होता, जो मी थेट स्टेडियममध्ये पाहिला. लाईव्ह मॅचदरम्यान कॅमेरा मला डान्स करताना टिपेल याची कल्पनाही नव्हती’ असं तिने म्हटलं. हा क्षण तिच्या चाहत्यांसाठीही खास ठरला असून व्हिडीओवर लाखो व्ह्यूज आणि कमेंट्सचा पाऊस पडत आहे.
तन्वी गडकरीने आपल्या अभिनय कारकिर्दीची सुरुवात वेब सीरिज आणि म्युझिक व्हिडीओमधून केली. ‘कॅम्पस बीट’ या लोकप्रिय वेब सीरिजमध्ये तिने साकारलेली रिहाना ही भूमिका विशेष गाजली आणि तिला चांगली ओळख मिळाली. याशिवाय तिने ‘जमनापार’सारख्या वेब सीरिजमध्येही काम केले आहे.
डान्सिंग टॅलेंटमुळे सोशल मीडियावर लोकप्रियता
अभिनयासोबतच तन्वीचा डान्सिंग टॅलेंट तिची खरी ताकद ठरली आहे. अनेक म्युझिक व्हिडीओमध्ये तिने आपल्या नृत्यकौशल्याचं प्रभावी प्रदर्शन केलं असून, सोशल मीडियावर तिला मोठ्या प्रमाणात पाठिंबा मिळत आहे.
तन्वी गडकरीला तिच्या डान्स रील्स, लाइफस्टाइल पोस्ट्स आणि ब्रँड कोलॅबोरेशन कंटेंटसाठी ओळखलं जातं. इंस्टाग्रामवर तिचे लाखो फॉलोअर्स असून तिची डिजिटल लोकप्रियता दिवसेंदिवस वाढताना दिसते आहे.
View this post on Instagram
तन्वीच्या करिअरची खास बाब म्हणजे, ती केवळ अभिनेत्री नाही तर एक यशस्वी डिजिटल कंटेंट क्रिएटर देखील आहे. नियमितपणे डान्स रील्स, फॅशन आणि लाइफस्टाइल व्हिडीओ शेअर करत तिने सोशल मीडियावर स्वतःची वेगळी ओळख निर्माण केली आहे.
