MS Dhoni: ज्याची भीती होती तेच घडलं, अखेर धोनीनं घेतली निवृत्ती, CSK साठीच दिसणार नव्या भूमिकेत

MS Dhoni Retierement: आयपीएल २०२७ च्या आधी, चेन्नई सुपर किंग्सचा दिग्गज खेळाडू महेंद्रसिंग धोनीबद्दल एक मोठी बातमी समोर आली आहे. धोनीने इंडियन प्रीमियर लीगमधून निवृत्ती घेतली असून, तो आता मैदानावर खेळाडू म्हणून नव्हे, तर एका नवीन भूमिकेत दिसणार आहे.

MS Dhoni: ज्याची भीती होती तेच घडलं, अखेर धोनीनं घेतली निवृत्ती, CSK साठीच दिसणार नव्या भूमिकेत
| Updated on: Nov 17, 2026 | 3:20 PM

MS Dhoni CSK IPL Retention 2027: आयपीएल २०२७ च्या आधी, चेन्नई सुपर किंग्सचा दिग्गज खेळाडू महेंद्रसिंग धोनीबद्दल एक मोठी बातमी समोर आली आहे. धोनीने इंडियन प्रीमियर लीगमधून निवृत्ती घेतली असून, तो आता मैदानावर खेळाडू म्हणून नव्हे, तर एका नवीन भूमिकेत दिसणार आहे. पाच वेळा चॅम्पियन ठरलेल्या चेन्नई सुपर किंग्सने आयपीएल २०२७ पासून त्याला संघाचा मार्गदर्शक (मेंटर) म्हणून नियुक्त करण्याचा निर्णय घेतला आहे. मात्र, फ्रँचायझीसोबतचे त्याचे संबंध पूर्वीप्रमाणेच कायम राहतील.

धोनीने चेन्नई सुपर किंग्सला पाच आयपीएल विजेतेपदे मिळवून दिली आहेत. त्याच्या कर्णधारपदाखाली संघाने अनेक संस्मरणीय यश मिळवले. आता त्याची आयपीएल कारकीर्द संपली असल्याने, तो संघाच्या डगआऊटमध्ये मार्गदर्शक म्हणून काम करेल आणि आपल्या अनुभवातून खेळाडूंना मार्गदर्शन करेल.

Loading...

 

धोनीचे चेन्नईसोबतचे नाते खूप खास राहिले आहे. तो फ्रँचायझीची ओळख बनला आहे आणि त्याच्या निर्णयांनी व नेतृत्वाने संघाला नव्या उंचीवर नेले आहे. चेन्नई सुपर किंग्सचे मालक एन. श्रीनिवासन यांनीही धोनीच्या महत्त्वाविषयी भाष्य केले. त्यांनी स्पष्ट केले की, भारताचा माजी कर्णधार नेहमीच फ्रँचायझीच्या ओळखीचा एक अविभाज्य भाग राहील. एक खेळाडू म्हणून त्याची भूमिका बदलत असली तरी, चेन्नई सुपर किंग्ससोबतचे त्याचे नाते पूर्वीसारखेच घट्ट आहे.

धोनी मार्गदर्शक म्हणून लाभल्याने संघाला त्याच्या अफाट अनुभवाचा फायदा होईल. विशेषतः, तरुण खेळाडूंना त्याच्या मार्गदर्शनाखाली खेळण्याची आणि शिकण्याची संधी मिळेल. चाहत्यांसाठी हा धक्का पचवणं अवघड जाणार आहे. चाहत्यांना धोनीला शेवटच्या सामन्यात खेळताना पाहायचे होते, पण मागील हंगामातही त्याला खेळताना पाहू शकले नाही. त्याला मागील हंगामात दुखापत झाली होती यामुळे तो खेळू शकला नव्हता. जरी धोनी मैदानात खेळत नसला तरीही तो चेन्नईशी जोडलेला असणार आहे हे ऐकूनही चाहत्यांना आनंद झाला असावा.

Loading...
Unable to load recommendations.
Follow Us