Vaibhav Sooryavanshi: डेब्यू मॅचमध्ये फ्लॉप ठरलेला वैभव तिसऱ्या मॅचमध्ये कमबॅकसाठी सज्ज; पण सामन्याची वेळ बदलली; योग्य टाईम पाहा…
भारत आणि इंग्लंड यांच्यात सुरु असलेल्या मालिकेतील तिसरा सामना उद्या रंगणार आहे. पण सामन्याची वेळ आता पुन्हा बदलली आहे. तर तुम्ही किती वाजता सामना पाहू शकता त्याची योग्य वेळ जाणून घ्या...
भारत आणि इंग्लंड यांच्यातील टी-20 मालिका सुरू आहे. आतापर्यंत दोन सामने खेळले गेले असून, तिसरा सामना लवकरच सुरू होणार आहे. विशेष म्हणजे, भारतीय संघाला अद्याप एकही सामना जिंकता आलेला नाही. मालिकेतील पहिला सामना पावसामुळे रद्द झाला, तर दुसऱ्या सामन्यात भारताला मानहानीकारक पराभव पत्करावा लागला. भारतीय संघाला मालिका जिंकायची असेल तर मोठे आव्हान आहे कारण पुढील तिन्ही सामने जिंकणे गरजेचे आहे. श्रेयस अय्यरच्या नेतृत्त्वात भारतीय संघाला एकही सामना जिंकता आलेला नाही. आता पुढील म्हणजे तिसरा सामना कधी असणार आहे आणि महत्त्वाचे म्हणजे वेळ काय असणार आहे.
श्रेयस अय्यरच्या नेतृत्वाखाली भारतीय संघावर आणखी एका मालिका पराभवाचे संकट आहे. भारतीय संघाने श्रेयस अय्यरच्या नेतृत्वाखाली आतापर्यंत चार सामने खेळले आहेत, परंतु त्यांना अद्याप एकही सामना जिंकता आलेला नाही. श्रेयसच्या नेतृत्वाखाली, संघ आयर्लंडविरुद्ध सलग दोन सामने हरला, ज्यामुळे त्या संघाविरुद्ध भारताला पहिल्यांदाच व्हाईटवॉश मिळाला. यानंतर, जेव्हा संघ इंग्लंडमध्ये दाखल झाला, तेव्हा पहिला सामना पावसामुळे रद्द झाला. दुसरा सामना पूर्ण झाल्यावर, भारतीय संघ चार गडी राखून हरला. याचा अर्थ, भारतीय संघ सध्या पाच सामन्यांच्या मालिकेत 0-1 ने मागे आहे. आता भारतीय संघावर आणखी एका मालिका पराभवाचे सावट आहे. एक जरी सामना हरला, तरी मालिका जिंकणे अशक्य होईल.
भारत विरुद्ध इंग्लंड टी20 मालिकेतील तिसरा सामना मंगळवार, 7 जुलै रोजी खेळला जाईल. हा सामना ट्रेंट ब्रिज येथे आयोजित केला जाईल. सामना रात्री 10.00 वाजता सुरू होईल. मालिकेतील पहिला सामना देखील रात्री 10:00 वाजता सुरू झाला होता, त्यानंतर दुसरा सामना संध्याकाळी 7:00 वाजता झाला. हा सामना भारतीय संघासाठी अत्यंत महत्त्वाचा असेल, कारण जर भारत हा सामना हरला, तर मालिका जिंकण्याची त्यांची संधी संपुष्टात येईल.
विशेष बाब म्हणजे भारतीय संघाला अजूनही आपला सर्वोत्तम प्लेइंग इलेव्हन सापडलेली नाही. जवळपास प्रत्येक सामन्यात बदललेला संघ मैदानात उतरतो. मागच्या सामन्यात वैभव सूर्यवंशीने आंतरराष्ट्रीय क्रिकेटमध्ये पदार्पण केले, पण तो स्वस्तात बाद झाला. अशा परिस्थितीत, आता हेही पाहावे लागेल की पुढच्या सामन्यात जेव्हा भारतीय संघ खेळेल, तेव्हा त्यांचा अंतिम अकरा खेळाडूंचा संघ कसा असेल आणि या काळात संघ कशी कामगिरी करतो.
