Virat Kohli : गौतम गंभीरने विराटला थेट निवृत्तीबद्दल विचारलं? हैराण करणारी बातमी समोर
Virat Kohli : विराट कोहलीने पाकिस्तान विरुद्ध शानदार शतक झळकवून टीकाकरांची तोंड बंद केली आहेत. मोठ्या मॅचमध्ये छाप उमटवण्याची अजूनही क्षमता आहे, हे त्याने आपल्या प्रदर्शनाने सिद्ध केलय.
विराट कोहलीने पाकिस्तान विरुद्ध शानदार शतक झळकवून फक्त भारताला विजयच मिळवून दिला नाही, तर आपल्या फलंदाजीवर उपस्थित होणाऱ्या प्रश्नांना सडेतोड उत्तर दिलं. मागच्या काही काळापासून विराट कोहलीचा धावा बनवण्यासाठी संघर्ष सुरु होता. पण पाकिस्तान विरुद्धच्या इनिंगने त्याने टीकाकारांची तोंड बंद केली. अलीकडेच ऑस्ट्रेलिया विरुद्धच्या मालिकेत त्याच्या प्रदर्शनावरुन अनेक प्रश्न उपस्थित झाले होते. या दौऱ्याशी संबंधित एक खुलासा झाला आहे. त्याने सगळेच हैराण आहेत.
मीडिया रिपोर्ट्सनुसार ऑस्ट्रेलिया दौऱ्यावर फ्लॉप ठरल्यानंतर भारतीय टीमचे हेड कोच गौतम गंभीर यांनी कोहलीला त्याच्या भविष्याच्या योजनांबद्दल विचारलं होतं. गौतम गंभीर आणि चीफ सिलेक्टर अजित आगरकर यांनी विराट कोहलीसोबत या विषयी चर्चा करण्याच ठरवलं होतं. मेलबर्नमध्ये चौथ्या कसोटी सामन्यात टीम इंडियाचा दारुण पराभव झाल्यानंतर विराट कोहलीच्या निवृत्तीचा प्रश्न उपस्थित झालेला. दोघांनी कोहलीला विचारलेलं, भविष्याबाबत काही स्पष्ट योजना आहे का? कोहलीसाठी हा हैराण करणारा प्रश्न होता.
आंतरराष्ट्रीय क्रिकेटमध्ये विराटच हे कितवं शतक?
विराट कोहलीने पाकिस्तान विरुद्ध शानदार शतक झळकवून टीकाकरांची तोंड बंद केली आहेत. मोठ्या मॅचमध्ये छाप उमटवण्याची अजूनही क्षमता आहे, हे त्याने आपल्या प्रदर्शनाने सिद्ध केलय. पाकिस्तान विरुद्ध या मॅचमध्ये कोहलीने आपलं 51 वं वनडे शतक झळकावलं. एकप्रकारे हे विराटच शानदार पुनरागमन आहे. इंटरनॅशनल क्रिकेटमध्ये विराट कोहलीच हे 82 व शतक आहे. पाकिस्तान विरुद्धच्या या इनिंग दरम्यान विराटने वनडे क्रिकेटमध्ये आपल्या 14 हजार धावा पूर्ण केल्या.
ऑस्ट्रेलिया दौऱ्यावर कसं प्रदर्शन होतं?
विराट कोहलीने ऑस्ट्रेलिया दौऱ्यावर आपल्या प्रदर्शनाने निराश केलं. तिथे त्याने पहिल्या कसोटीत शतक झळकवलं. पण त्यानंतर 8 इनिंगमध्ये विराटने फक्त 90 धावा केल्या. सीरीजमध्ये त्याचा स्ट्राइक रेट 23.75 होता. यावेळी त्याच्या खेळावर अनेकांनी प्रश्नचिन्ह निर्माण केलेलं. पण आता शतक झळकवून त्याने टीममध्ये अजूनही खेळण्यास सक्षम आहोत, हे दाखवून दिलय.
