आयसीसी चॅम्पियन्स ट्रॉफी 2025

आयसीसी चॅम्पियन्स ट्रॉफी 2025 स्पर्धेचा थरार एकूण 19 दिवस रंगणार आहे. या स्पर्धेतील सामने 19 फेब्रुवारी ते 9 मार्च दरम्यान पाकिस्तान आणि यूएई आयोजित करण्यात आले आहेत. या स्पर्धेतील एकूण 8 संघांना 4-4 नुसार 2 गटात विभागण्यात आलं आहे. टीम इंडिया, पाकिस्तान, बांगलादेश आणि न्यूझीलंडचा ए ग्रुपमध्ये समावेश आहे. तर बी ग्रुपमध्ये ऑस्ट्रेलिया, दक्षिण आफ्रिका, इंग्लंड आणि अफगाणिस्तान बी ग्रुपमध्ये आहे. 19 फेब्रुवारी ते 2 मार्च दरम्यान साखळी फेरीतील सामने पार पडतील. प्रत्येक संघ साखळी फेरीत 3-3 सामने खेळणार आहे. त्यानंतर 4 आणि 5 मार्चला उपांत्य फेरीतील दोन्ही सामने खेळवण्यात येणार आहेत. तर 9 मार्चला अंतिम सामना पार पडेल. अंतिम सामन्यासाठी 10 मार्च हा राखीव दिवस ठेवण्यात आला आहे