IND vs NZ: एकट्या रोहितला जे जमलं ते फिलिप्सनेही करुन दाखवलं, टीम इंडियाच्या बॉलर धुतलंच नाही तर…

IND vs NZ 1st Test 2nd Day: भारत न्यूझीलंड कसोटीच्या दुसऱ्या दिवशी भारतीय संघाला किवीचा एकटा फलंदाज भारी पडला. त्यानं भारतीय गोलंदाजांना धु धु धुतले.

IND vs NZ: एकट्या रोहितला जे जमलं ते फिलिप्सनेही करुन दाखवलं, टीम इंडियाच्या बॉलर धुतलंच नाही तर...
glenn philps
Image Credit source: google
| Updated on: Nov 20, 2026 | 8:20 AM

Glenn Philips Century: न्यूझीलंडचा स्टार अष्टपैलू खेळाडू ग्लेन फिलिप्सने वेलिंग्टनमधील बेसिन रिझर्व्ह येथे भारताविरुद्धच्या पहिल्या कसोटी सामन्यात शानदार शतक झळकावून जागतिक क्रिकेटमध्ये इतिहास रचला आहे. एकाच कॅलेंडर वर्षात भारताविरुद्ध आंतरराष्ट्रीय क्रिकेटच्या तिन्ही फॉरमॅटमध्ये शतके झळकावणारा फिलिप्स हा जगातील पहिला खेळाडू ठरला आहे. यापूर्वी, ग्लेन फिलिप्सने १८ जानेवारी २०२६ रोजी भारताविरुद्ध एकदिवसीय सामन्यात शतक केले होते आणि त्यानंतर ३० ऑक्टोबर रोजी टी-२० आंतरराष्ट्रीय सामन्यातही शतक झळकावले होते. आता, वेलिंग्टन कसोटीच्या पहिल्या डावात आपले शतक पूर्ण करून त्याने या ऐतिहासिक कामगिरीवर शिक्कामोर्तब केले आहे.

एकाच कॅलेंडर वर्षात एकाच संघाविरुद्ध तिन्ही फॉरमॅटमध्ये शतके झळकावणारा ग्लेन फिलिप्स हा जागतिक क्रिकेटमधील केवळ दुसरा फलंदाज ठरला आहे. यापूर्वी हा अनोखा विक्रम भारताचा माजी कर्णधार रोहित शर्माच्या नावावर होता, ज्याने २०१७ मध्ये श्रीलंकेविरुद्ध कसोटी, एकदिवसीय आणि टी-२० या तिन्ही फॉरमॅटमध्ये शतके झळकावली होती. फिलिप्स एकाच देशाविरुद्ध आंतरराष्ट्रीय क्रिकेटच्या तिन्ही फॉरमॅटमध्ये शतके झळकावणारा पहिला न्यूझीलंडचा फलंदाज ठरला आहे.

Loading...

शेन वॉटसन आणि शाई होप यांच्यानंतर, भारताविरुद्ध तिन्ही फॉरमॅटमध्ये शतके झळकावणारा तो तिसरा खेळाडू ठरला आहे. ग्लेन फिलिप्सच्या कारकिर्दीतील हे दुसरे कसोटी शतक आहे. या खेळीदरम्यान त्याने इतरही अनेक महत्त्वाचे टप्पे गाठले. सामन्याच्या पहिल्या दिवशी फिलिप्सने कसोटी क्रिकेटमध्ये आपल्या १,००० धावा पूर्ण केल्या. आता त्याच्या नावावर २० सामन्यांतील ३४ डावांमध्ये ३८.३५ च्या सरासरीने १,०७४ धावा आहेत.

पहिल्या कसोटीच्या पहिल्या दिवशी, जेव्हा न्यूझीलंड ७० धावांत ५ गडी गमावून मोठ्या संकटात होते, तेव्हा सातव्या क्रमांकावर फलंदाजी करणाऱ्या ग्लेन फिलिप्सने हेन्री निकोल्ससोबत सहाव्या विकेटसाठी २१६ धावांची शानदार भागीदारी करून न्यूझीलंडला खराब सुरुवातीतून सावरण्यास मदत केली. पहिल्या दिवशी नाबाद ९४ धावा करणाऱ्या फिलिप्सने दुसऱ्या दिवशीही आपला खेळ सुरू ठेवत १९४ चेंडूंमध्ये आपले शतक पूर्ण केले. त्याने एकूण २१६ चेंडूंमध्ये १४ चौकारांच्या मदतीने ११८ धावांची झुंजार खेळी केली, त्यानंतर डावाच्या ९४ व्या षटकात भारतीय वेगवान गोलंदाज आकाश दीपने त्याला क्लीन बोल्ड केले.

Loading...
Unable to load recommendations.
Follow Us