आशिया कप जिंकल्यानंतर भारतीय संघाला मिळाली मोठी आनंदची बातमी, आयसीसीकडून घोषणा
ICC T20i Ranking: एसीसी महिला आशिया कप २०२६ जिंकल्यानंतर भारतीय खेळाडूंनी आयसीसी महिला टी२० आंतरराष्ट्रीय क्रमवारीत लक्षणीय प्रगती केली आहे.
महिला आशिया कप २०२६ मधील सर्वाधिक बळी घेणारी गोलंदाज दीप्ती शर्मा हिला आयसीसी क्रमवारीत तिच्या प्रभावी कामगिरीचा फायदा झाला आहे. आयसीसीने आज (१५ सप्टेंबर) आपली नवीनतम क्रमवारी जाहीर केली.
दीप्ती शर्माने महिला टी-२० गोलंदाजी क्रमवारीत सहाव्या स्थानावरून दुसऱ्या स्थानावर चार स्थानांची झेप घेतली आहे. गेल्या आठवड्यात तिने दोन स्थानांची प्रगती केली होती. दीप्तीकडे ७२९ रेटिंग गुण आहेत. दीप्तीने आशिया कपच्या अंतिम सामन्यात तीन बळी घेतले होते.
श्री चरणी ८०४ रेटिंग गुणांसह अव्वल क्रमांकाची टी-२० गोलंदाज म्हणून कायम आहे. चरणीने आशिया कप २०२६ मध्ये १२ बळी घेतले, ज्यात अंतिम सामन्यातील चार बळींचा समावेश आहे. सर्वाधिक बळी घेणाऱ्यांच्या यादीत ती दुसऱ्या क्रमांकावर होती. चरणीने आता ८०४ रेटिंग गुण मिळवले असून, ८०० पेक्षा जास्त रेटिंग मिळवणारी ती पहिली भारतीय महिला गोलंदाज ठरली आहे.
शेफाली वर्मा ताज्या क्रमवारीत एका स्थानाने वर चढली असून, ७४१ रेटिंगसह सातव्या स्थानावरून सहाव्या स्थानावर पोहोचली आहे. तिने श्रीलंकेविरुद्ध महिला आशिया कपच्या अंतिम सामन्यात ६८ धावांची सामना जिंकून देणारी खेळी केली. ३९ चेंडूंमध्ये केलेल्या या खेळीत तिने दोन षटकार आणि तीन चौकार मारले
स्मृती मंधाना (७४५) फलंदाजांच्या यादीत पाचव्या स्थानावर कायम आहे. ती स्पर्धेत सर्वाधिक धावा करणारी दुसरी खेळाडू होती. मंधानाने २१३ च्या सरासरीने २१३ धावा केल्या, ज्यात एका शतकाचा आणि एका अर्धशतकाचा समावेश आहे.
