गोलंदाजाने चेंडू टाकण्याआधीच ड्वेन ब्राव्हो क्रीजबाहेर, संतापलेल्या व्यंकटेश प्रसादने ICC ला जाब विचारला
IPL 2021 स्पर्धेत सोमवारी चेन्नई सुपरकिंग्ज (Chennai Super Kings) विरुद्ध राजस्थान रॉयल्स (Rajasthan Royals) असा सामना खेळवण्यात आला.
मुंबई : IPL 2021 स्पर्धेत सोमवारी चेन्नई सुपरकिंग्ज (Chennai Super Kings) विरुद्ध राजस्थान रॉयल्स (Rajasthan Royals) असा सामना खेळवण्यात आला. या सामन्यात चेन्नईची फलंदाजी सुरु असतानाचा ड्वेन ब्राव्होचा (Dwayne Bravo) एक फोटो सोशल मीडियावर खूप व्हायरल होतोय. तसंच क्रिकेटच्या काही नियमांवर टीकादेखील सुरु झाली आहे. या फोटोत दिसतंय की, राजस्थानचा गोलंदाज मुस्तफिजूर रहमान गोलंदाजी करत असताना नॉन स्ट्राईकर एंडला उभा असलेल्या ड्वेन ब्राव्होने रहमानने चेंडू टाकण्याआधीच क्रीज सोडलंय. क्रीजपासून तो खूप लांब पोहोचला आहे. परंतु क्रीजपासून केवळ एक इंच पाय पुढे होता म्हणून रहमानचा तो चेंडू ‘नो बॉल’ घोषित करण्यात आला. (IPL 2021 : Venkatesh Prasad Speak In Favour Of Mankading After Dwayne Bravo Was Seen Backing Up Yards Against Rajasthan Royals)
क्रीझपासून एक इंच पाय पुढे होता म्हणून मुस्तफिजूर रहमानने टाकलेला चेंडू नो बॉल घोषित करण्यात आला, मात्र त्याच वेळी चेंडू टाकण्याआधीच क्रीझपासून काही यार्ड्स पुढे गेलेल्या ड्वेन ब्राव्होला कोणी काहीच बोललं नाही. त्याला कोणतीही शिक्षा देण्यात आलेली नाही. ही गोष्ट अनेकांना पटलेली नाही. टीम इंडियाचा माजी क्रिकेटपटू व्यंकटेश प्रसाद (Venkatesh Prasad) हा प्रकार पाहून संतापला आहे. प्रसादने या प्रसंगाचा एक फोटो ट्विट करत नाराजी व्यक्त केली आहे. ‘गोलंदाजाने काही इंच पाय पुढे टाकला तर त्याला दंड बसतो. बॅट्समन काही यार्ड पुढे गेला असला तरी त्याला काही शिक्षा होत नाही. या प्रकारच्या बॅट्समला रन-आऊट करण्याचा गोलंदाजाला पूर्ण अधिकार आहे. या गोष्टीला ‘Spirit of the game’ असं बोलणं म्हणजे एक जोक आहे, असे म्हणत प्रसादने या ट्विटमध्ये आंतरराष्ट्रीय क्रिकेट परिषदेला (ICC) टॅग केले आहे.
Spirit Of Cricket चा वाद सुरु होण्यापूर्वीच थांबला
हा प्रसंग घडत असताना मुस्तफिजूर रहमानच्या (Mustafizur Rahman) अनावधानाने ‘Spirit Of Cricket’ चा एक मोठा वाद सुरु झाला नाही. कारण गेल्या दोन वर्षांमध्ये या विषयावर सातत्यानं दोन्ही बाजूनं मतं प्रदर्शित केली जात आहेत. रहमानचं लक्ष नव्हतं म्हणून हा वाद सुरु झाला नाही. जर त्याच्याजागी रवीचंद्रन अश्विनसारखा सजग गोलंदाज असता तर त्याने ब्राव्होला बाद केलं असतं, किंवा मागच्या आयपीएलप्रमाणे (IPL 2020) त्याने किमान बॅट्समनला त्याच्या चुकीची जाणीव करुन दिली असती. पण तिथे अश्विन नव्हे तर मुस्तफिजूर रहमान गोलंदाजी करत होता. ही गोष्ट रहमानच्या लक्षात आली नाही. त्यामुळे मोठा वाद झाला नाही.
The bowler overstepping by a few inches is penalised, but a batsman backing up a few yards isn’t.
The bowler has every right to run out a batsman backing up so far. PERIOD.Calling it against the spirit of the game is a joke @ICC .#CSKvRR pic.twitter.com/vIHqbe6fWU
— Venkatesh Prasad (@venkateshprasad) April 20, 2021
संबंधित बातम्या
IPL 2021: कॅप्टन कुलचा कारनामा, रोहित-विराटला पछाडत केला ‘हा’ पराक्रम
(IPL 2021 : Venkatesh Prasad Speak In Favour Of Mankading After Dwayne Bravo Was Seen Backing Up Yards Against Rajasthan Royals)