फक्त दोन मॅचसाठी कॅप्टन बनलेल्या श्रेयसनं भर सामन्यात विराटला दाखवला माज, कोहलीला थेट इग्नोर केले अन्…पाहा Video

Shreyas Iyer Ignore Virat Kohli: भारत न्यूझीलंडज पाचवा सामन्यात श्रेयस अय्यरने माज दाखवला. चक्क विराट कोहलीच्या निर्णयाला विरोध केला.

फक्त दोन मॅचसाठी कॅप्टन बनलेल्या श्रेयसनं भर सामन्यात विराटला दाखवला माज, कोहलीला थेट इग्नोर केले अन्...पाहा Video
| Updated on: Nov 16, 2026 | 8:59 AM

IND vs NZ ODI Series: १५ नोव्हेंबर २०२६ रोजी माउंट मौंगानुई येथील बे ओव्हलवर भारत आणि न्यूझीलंड यांच्यात काल पाचवा एकदिवसीय सामना रंगला. या सामन्यात मैदानातील एका घटनेमुळे सोशल मीडियावर एक नवीन वाद निर्माण झाला आहे. सामन्यादरम्यानचा भारतीय कर्णधार श्रेयस अय्यरचा एक व्हिडिओ वेगाने व्हायरल होत आहे, ज्यामध्ये असा दावा केला जात आहे की अय्यर माजी कर्णधार आणि संघातील सर्वात वरिष्ठ खेळाडू, विराट कोहलीच्या सल्ल्याकडे दुर्लक्ष करत आहे. हा व्हिडिओ आता मोठ्या प्रमाणावर व्हायरल होत आहे.

ही घटना न्यूझीलंडच्या फलंदाजीदरम्यान घडली, जेव्हा कर्णधार श्रेयस अय्यर यष्टीरक्षक इशान किशनसोबत एका विषयावर चर्चा करत होता. विराट कोहली तिथे आला आणि त्याने सामन्याच्या परिस्थितीनुसार आपला रणनीतिक सल्ला दिला. वृत्तांनुसार आणि सोशल मीडिया क्लिप्सनुसार, कोहलीने अय्यरला वेगवान गोलंदाज मोहम्मद सिराजला संघात घेण्याचा सल्ला दिला.

Loading...

मात्र, व्हायरल झालेल्या फुटेजमध्ये हे स्पष्टपणे दिसते की, कोहलीच्या मुद्द्यावर चर्चा करण्यासाठी थांबण्याऐवजी, अय्यरने डोके हलवले, न थांबता पुढे जे चालू होते तेच चालू ठेवले आणि त्याचा सल्ला पूर्णपणे नाकारला. अखेरीस, त्याने आकिब नबीला गोलंदाजीसाठी आणण्याचा निर्णय घेतला. सोशल मीडियावरील चाहत्यांनी एका वरिष्ठ खेळाडूप्रती असलेल्या या वृत्तीबद्दल श्रेयस अय्यरवर जोरदार टीका केली आहे. चाहत्यांच्या मते, एका माजी यशस्वी कर्णधाराचा आणि अनुभवी खेळाडूचा सल्ला दुर्लक्षित करणे अन्यायकारक आहे.

आतापर्यंत जेव्हा जेव्हा विराट मैदानात असेल तेव्हा कधीच रोहित शर्मा असो किंवा शुभमन गिल कोणीच त्याच्या निर्णयाला विरोध केला नव्हता. विराटकडे किती अनुभव आहे, आणि त्याचा उपयोग सामना जिंकण्यासाठी कसा करुन घ्यायचा हे रोहित आणि गिलला चांगलेच माहित होतं. पण आता दोन सामन्यांसाठी कर्णधार असलेला श्रेयस अय्यरने कोहलीला दुर्लक्षित केले. यावरुन त्याला प्रचंड टीकेचा सामना करावा लागत आहे.

या सामन्यात भारतीय गोलंदाजांनी उत्कृष्ट कामगिरी केली. प्रथम फलंदाजी करताना, भारतीय संघ केवळ २०९ धावांवर सर्वबाद झाला. मात्र, गोलंदाजांनी एकहाती सामन्याचे चित्र पालटले आणि न्यूझीलंडला केवळ १८७ धावांवर सर्वबाद करून २२ धावांनी रोमांचक विजय मिळवला. परिणामी, भारतीय संघाने पाच सामन्यांची एकदिवसीय मालिका ३-१ ने जिंकली.

Loading...
Unable to load recommendations.
Follow Us