Vaibhav Sooryavanshi: वैभव सूर्यवंशीच्या पोस्टची चर्चा; IND vs ENG पहिल्या टी-20 मध्ये पदार्पण मिळणार?

भारत आणि इंग्लंड यांच्यात टी-20 सामन्यांची मालिका रंगणार आहे. या मालिकेतील पहिला सामना हा आज रंगणाार आहे. आता वैभव सूर्यवंशीला इंंग्लंडविरुद्ध मालिकेत खेळण्यासाठी संधी मिळते की नाही हे पाहणं महत्त्वाचं ठरणार आहे. वैभवला आयर्लंडविरुद्ध मालिकेत पदार्पणाची संधी मिळाली नाही. आता पदार्पण कधी मिळणार याकडे सर्वांचे लक्ष असणार आहे. वैभवच्या पदार्पणाची वाट चाहते पाहत आहे. वैभव सराव सत्रात पण धुमाकुळ घालताना दिसत आहे. या दरम्यान आता वैभवने सोशल मीडियावर एक पोस्ट शेअर केली आहे. या पोस्टची खूप चर्चा होत आहे.

वैभव सूर्यवंशीचा आज अंतिम 11 खेळाडूंमध्ये समावेश होणार का? हा प्रश्न प्रत्येक क्रिकेट चाहत्याच्या मनात आहे. मागची टी-20 मालिका 0-2 ने गमावल्यानंतर, आज त्याचा संघात समावेश होण्याची आशा आहे. महान सुनील गावस्कर यांचेही मत आहे की, त्याला आंतरराष्ट्रीय क्रिकेटमध्ये विनाविलंब स्थान दिले पाहिजे. इंग्लंडचे माजी कर्णधार मायकल वॉन यांनीही त्याचा संघात समावेश न झाल्याबद्दल आश्चर्य व्यक्त केले आणि वैभवला सध्या जगातील सर्वोत्तम खेळाडू म्हटले. या सगळ्यात, वैभवच्या इंस्टाग्राम पोस्टने खळबळ उडवून दिली आहे.

मंगळवारी संध्याकाळी, वैभव सूर्यवंशीने इंग्लंड दौऱ्यातील काही फोटो इंस्टाग्रामवर पोस्ट केले. यामध्ये विमानप्रवास, सराव आणि हॉटेलच्या खोलीतील फोटोंचा समावेश होता. त्याने त्यांना ‘कृतज्ञ’ असे कॅप्शन दिले आणि पुढे काउंटडाउनचा इमोजी टाकला. तसेच, जेव्हा काहीतरी नवीन घडणार असते तेव्हा अनेकदा वापरले जाणारे हे एक काउंटडाउन चिन्ह म्हणूनही काम करते. अशा पोस्ट्समुळे चाहत्यांची उत्सुकता वाढणे स्वाभाविक आहे. भारत आणि इंग्लंड यांच्यातील पहिला टी-20 सामना दूरहॅम येथील रिव्हरसाइड ग्राऊंडवर खेळला जाईल. सामना भारतीय प्रमाणवेळेनुसार रात्री 10:00 वाजता सुरू होईल आणि नाणेफेक रात्री 9:30 वाजता होईल. भारत विरुद्ध इंग्लंड टी20 सामना सोनी स्पोर्ट्स नेटवर्कवर थेट प्रक्षेपित केला जाईल. सोनी लिव्ह ॲप आणि जिओ हॉटस्टार ॲपवर लाईव्ह स्ट्रीमिंग उपलब्ध असेल.