Vaibhav Sooryavanshi: इंग्लंडविरुद्ध मालिकेपूर्वी वैभव सूर्यवंशीवर आली तोंड लपवण्याची वेळ; व्हिडिओ जोरदार व्हायरल
भारत आणि इंग्लंड यांच्यात आजपासून टी-20 मालिकेचा थरार पाहायला मिळणार आहे. यापूर्वी आता वैभव सूर्यवंशीचा एक व्हिडिओ जोरदार व्हायरल होत आहे.
आजपासून भारत आणि इंग्लंड यांच्यातील टी-20 मालिकेला सुरुवात होणार आहे. भारत आणि इंग्लंड यांच्यात पहिला टी-20 सामना आज खेळवला जाणार आहे. आयर्लंडविरुद्ध मालिका गमावल्यानंतर आता भारतीय संघ इंग्लंडविरुद्ध मालिका खेळण्यासाठी सज्ज झाला आहे. आता वैभवला आयर्लंडविरुद्ध मालिकेत पदार्पणाची संधी तर नाही मिळाली पण इंग्लंडविरुद्ध मालिकेत त्याला खेळण्यासाठी संधी मिळते की नाही याकडे सर्वांचे लक्ष असणार आहे. वैभवला पदार्पणाची संधी मिळताच तो भारतीय महान फलंदाज सचिन तेंडुलकर यांचा रेकॉर्डब्रेक करेल. आता इंग्लंडविरुद्ध मालिकेपूर्वी वैभवचा एक व्हिडिओ जोरदार व्हायरल होत आहे. ज्यात तोंड लपवून पळताना दिसत आहे.
वैभव सूर्यवंशी सध्या जगातील सर्वात मोठा क्रिकेट सुपरस्टार आहे. चाहते आपल्या कॅमेऱ्यांसह त्याला फॉलो करताना दिसतात. वैभव सध्या इंग्लंडमध्ये आहे, जिथे भारत पाच सामन्यांची टी-20 मालिका खेळणार आहे. याच काळात, या 15 वर्षीय फलंदाजाचा एक व्हिडिओ समोर आला आहे, ज्यामध्ये चाहत्यांनी त्याचे नाव पुकारल्यावर त्याने आपला चेहरा लपवला. क्रिकेटच्या मैदानावर अव्वल गोलंदाजांच्या गोलंदाजीवर षटकार ठोकणारा वैभव सूर्यवंशी खाजगी आयुष्यात खूप शांत स्वभावाचा दिसतो. त्याचा, इंग्लंडमधील, एक व्हिडिओ सोशल मीडियावर व्हायरल होत आहे. भारतीय संघाची ट्रेनिंग किट घालून तो वॉर्म-अप करत मैदानाभोवती फेऱ्या मारत आहे. त्याला पाहून चाहते त्याचे नाव पुकारू लागतात आणि हुटिंग करू लागतात. तो चाहत्यांच्या जवळ जाताच, वैभव लाजतो आणि आपल्या हुडीने आपला चेहरा लपवतो. हा व्हिडिओ सोशल मीडियावर व्हायरल होत आहे.
Vaibhav sooryavanshi was doing warm up and girls started screaming his name and he instantly cover his face like ‘noo not today’😂
Certified pookie moment from Vaibhav.🙈 pic.twitter.com/MHbxm2tqfF
— Drashti CSKian 💛 (@drashtisingh07) June 30, 2026
प्रत्येक भारतीय क्रिकेट चाहत्याला वैभव सूर्यवंशीला टीम इंडियाच्या जर्सीमध्ये पाहायचे आहे. पण यासाठी थोडी प्रतीक्षा करावी लागेल, कारण भारतीय व्यवस्थापन त्याला टीम इंडियाची कॅप देण्यास घाई करत नाहीये. इंग्लंडविरुद्धच्या पहिल्या टी-20 सामन्यापूर्वी झालेल्या पत्रकार परिषदेत कर्णधार श्रेयस अय्यरने स्पष्ट केले की, “वैभवला अजून थोडा वेळ थांबावे लागेल. अभिषेक शर्मा, संजू सॅमसन आणि ईशान किशन यांसारख्या खेळाडूंचा समावेश असलेल्या भारतीय टॉप-ऑर्डरने सातत्याने चांगली कामगिरी केली आहे.”
वैभव सूर्यवंशीने आपल्या कामगिरीने या सर्व चाहत्यांची मने जिंकली आहेत. अवघ्या 15 वर्षांच्या वयात, या फलंदाजाने एक असा पराक्रम केला आहे, जो मिळवण्यासाठी अनेक खेळाडू आपली संपूर्ण कारकीर्द घालवतात. त्याने आयपीएल 2026 मध्ये 16 डावांत 776 धावा करून ऑरेंज कॅप जिंकली. त्यानंतर, श्रीलंका ‘अ’ संघाविरुद्धच्या तिरंगी मालिकेत, त्याने लिस्ट ‘अ’ क्रिकेटच्या इतिहासातील सर्वात जलद अर्धशतक 11 चेंडूंमध्ये झळकावले.
