IND vs NZ : आणि म्हणतात विराट-रोहितनं निवृत्ती घ्यावी…दोघांनी पकडलेल्या कॅचेस पाहा, थक्क होऊन जाल VIDEO

IND vs NZ ODI Match: भारत आणि न्यूझीलंड यांच्यात वनडे सामन्यांची मालिका सुरु आहे. या वनडे सामन्यांची मालिकेला आजपासून सुरुवात झाली आहे. पहिला सामन्याचे नाणेफेक शुभमन गिलने जिंकले. शुभमन गिलने प्रथम गोलंदाजी करण्याचा निर्णय घेतला. प्रथम फलंदाजी करताना न्यूझीलंडचा संघ चांगली कामगिरी करु शकलेला नाही. भारतीय गोलंदाजांनी मात्र उल्लेखनीय कामगिरी केली. पण रोहित शर्मा आणि विराट कोहलीने सर्वांचे लक्ष वेधून घेतले.

विराट कोहलीने ईडन पार्कवर नॅथन स्मिथचा घेतलेला जादुई झेल सर्वांना मंत्रमुग्ध करून टाकला. ‘किंग’ कोहलीची ही उल्लेखनीय क्षेत्ररक्षणाची कामगिरी २९ व्या षटकात घडली. नॅथन स्मिथ फलंदाजी करत होता, तर अंशुल कंबोज भारतासाठी गोलंदाजी करत होता. कंबोजने षटकातील तिसरा चेंडू थोडा पुढे टाकला, जो सहाव्या यष्टीच्या रेषेत, यष्टींच्या बाहेर असल्याचे दिसत होते. स्मिथ बचावात्मकरित्या चेंडू अडवण्यासाठी पुढे सरसावला, पण चेंडू बॅटची बाहेरील कड घेऊन दुसऱ्या स्लिपच्या दिशेने गेला. तिथे तैनात असलेल्या विराट कोहलीने कोणतीही चूक केली नाही. त्याने उजवीकडे झेप घेऊन एकहाती अप्रतिम झेल घेतला आणि सर्वांना चकित केले. या आधी रोहित शर्मानेही असं काहीसे केले.

भारताच्या अक्षर पटेलने टाकलेल्या न्यूझीलंडच्या डावातील २२ व्या षटकाच्या पहिल्या चेंडूवर, ग्लेन फिलिप्सने लेग साइडला हलकासा फटका मारून एक धाव घेण्याचा प्रयत्न केला. सुरुवातीला मिचेल धावण्यास संकोच करत असल्याचे दिसले, पण नंतर त्याने धाव घेण्यास सुरुवात केली. मिड-विकेटला क्षेत्ररक्षण करणाऱ्या रोहित शर्माने चेंडूच्या दिशेने वेगाने झेप घेतली, तो झेलण्यासाठी झेप घेतली आणि हवेतच यष्टीरक्षक केएल राहुलकडे फेकला, ज्याने तात्काळ चेंडू यष्टीवर टाकला. त्यानंतर निर्णय तिसऱ्या पंचांकडे गेला आणि रिप्ले पाहिल्यावर असे दिसून आले की, एका सेकंदाच्या विलंबानेही डॅरिल मिचेलला क्रीजवर पोहोचता आले असते. वयाच्या ३९ व्या वर्षीही रोहित शर्माच्या प्रभावी क्षेत्ररक्षणाने मिचेलला पॅव्हेलियनमध्ये परत पाठवण्यात महत्त्वाची भूमिका बजावली. याचे व्हिडिओ सोशल मीडियावर मोठ्या प्रमाणात व्हायरल होत आहे.