गोलंदाजांचा भेदक मारा, अवघ्या 10 ओव्हरनंतर कसोटी सामना संपला, स्टेडियमवर 1 वर्षांची बंदी
वेस्टइंडिज विरुद्ध इंग्लंड यांच्यात हा सामना खेळवण्यात आला होता.
टेस्ट मॅच (Test Match) साधारणपणे 5 दिवस खेळली जाते. पण अवघ्या 10 ओव्हरनंतर कसोटी मॅच (Cricket) संपल्याचं तुम्ही कधी ऐकलं आहे का, अशी घटना क्रिकेट इतिहासात आजपासून काही वर्षांपूर्वी घडली होती. या घटनेबाबत आपण सविस्तर जाणून घेणार आहोत. गोष्ट आहे आजपासून बरोबर 22 वर्षांपूर्वीची. 29 जानेवारी-2 फेब्रुवारीदरम्यान वेस्टइंडिज विरुद्ध इंग्लंड (West Indies vs England) या उभयसंघामध्ये हा सामना खेळवण्यात आला होता. सबिना पार्क (Sabina Park) येथे हा सामना आयोजित करण्यात आला. टॉससाठी दोन्ही संघाचे कर्णधार मैदानात आले. इंग्‍लंडचा कर्णधार माइक अर्थटन आणि विंडीजचा कॅप्टन ब्रायन लारा टॉससाठी आले. नाणेफेकीचा कळ इंग्लंडच्या बाजूने लागला. इंग्लंडने फलंदाजीचा निर्णय घेतला. (west indies vs england test match abandoned in sabina park)
कॅप्टन अर्थटन आणि अॅलक स्टीवर्ट ही सलामी जोडी मैदानात आली. दोन्ही सलामीवीर बॅटिंगसाठी सज्ज होते. वेस्ट इंडिजचे गोलंदाज आक्रमणासाठी तयार होते. सामन्याला सुरुवात झाली. कर्टनी वॉल्शने माईक अर्थटनला 2 धावांवर आऊट केलं. मार्क बुचरही पहिल्या चेंडूवर आऊट झाला. नासिर हुसेनही 1 धाव करुन तंबूत परतला. वेस्ट इंडिजच्या या 7 फूटी गोलंदाजांच्या भेदक माऱ्यासमोर इंग्लंडने 3 विकेट्स गमावल्या. यामुळे इंग्लंडची 7.2 ओव्हरमध्ये 3 बाद 9 अशी बिकट स्थिती झाली. त्यानंतर पुढे आणखी 3 ओव्हर खेळण्यात आल्या. वॉल्शसह कर्टली एंब्रोसने 1 विकेट घेतली.
सामन्यातील पहिल्या 10 षटकांचा खेळ पूर्ण झाला होता. 11 व्या ओव्हमधील पहिला चेंडू टाकून झाला. मात्र त्यानंतर सामना रद्द करण्याचा निर्णय घेण्यात आला. या निर्णयामुळे क्रिकेट चाहत्यांसह क्रिकेट विश्ववात आश्चर्य व्यक्त करण्यात आले. नक्की सामना रद्द का करण्यात आला, असा प्रश्न सर्वांना पडला.
जेव्हा सामन्याचा 61 वा चेंडू टाकला गेला तेव्हा सामना रद्द करण्याचा निर्णय घेण्यात आला. कारण मैदानाच्या आऊटफिल्डवर रेती पसरली. यामुळे वेस्ट इंडिजला गोलंदाजी करताना अडथळा येत होता. यामुळे हा सामना अखेर रद्द करण्याचा निर्णय घेण्यात आला. तसेच या अशा परिस्थितीमुळे या मैदानात पुढील 12 महिने कोणत्याही सामन्याचे आयोजन न करण्याचा निर्णय घेण्यात आला. म्हणजे वर्षभरासाठी या मैदानावर बंदी घालण्यात आली.
संबंधित बातम्या :
India vs England 2nd Test 1st Day | हिटमॅन रोहित शर्माचा अनोखा कारनामा, ठरला पहिलाच भारतीय
(west indies vs england test match abandoned in sabina park)