IND vs ZIM: मॅचच्या 24 तासआधी झिम्बाब्वेने भारतीय संघाला दिलं ओपन चॅलेंज, अचानक मोठा निर्णय घेतला

भारत आणि झिम्बाब्वे यांच्यात टी-20 मालिका सुरु आहे. या मालिकेत आता तीन सामने रंगणार आहे. या मालिकेला उद्यापासून सुरुवात होणार आहे. पहिला सामना उद्या रंगणार आहे. उद्या सामना हा 4.30 वाजता सुरु होणार आहे. 4 वाजता नाणेफेक होणार आहे. आता भारतीय संघ ही मालिका जिंकण्यासाठी अतोनात प्रयत्न करेल कारण मागील दोन मालिका भारतीय संघाने गमावल्या आहेत. या मालिकेतून भारतीय संघ कमबॅक करण्यासाठी सज्ज झाला आहे. श्रेयस अय्यर त्याच्या नेतृत्त्वातील पहिली मालिका जिंकण्यासाठी सज्ज असणार आहे. आता सामना सुरु होण्याच्या 24 तासपूर्वी झिम्बाब्वेने एक मोठा निर्णय घेतला आहे.

झिम्बाब्वेने भारताविरुद्धच्या आगामी मालिकेसाठी आपला टी- 20 संघ जाहीर केला आहे. वेस्ली माधेवेरे 12 महिन्यांनंतर झिम्बाब्वेच्या टी- 20 संघात परतला आहे. इतर दोन खेळाडूंना पहिल्यांदाच टी- 20 संघात स्थान मिळाले आहे. वेगवान गोलंदाज न्यूमन न्यामुरी आणि यष्टीरक्षक-फलंदाज तफाद्झवा सिगा या दोघांची एन्ट्री झाली आहे. इंग्लंडचा अष्टपैलू खेळाडू सॅम करनचा भाऊ, बेन करन, देखील भारताविरुद्धच्या टी- 20 मालिकेत खेळणार आहे. त्याने संघात आपले स्थान कायम ठेवले आहे.

वेस्ली माधेवेरे, न्यूमन न्यामुरी आणि तफाद्झवा सिगा हे त्रिकूट झिम्बाब्वेच्या टी- 20 संघात क्लाइव्ह मदांदे, टिनोटेन्झा म्पोसा आणि शिंगा मुसिकवा यांची जागा घेतील. हे तिन्ही खेळाडू नुकत्याच संपलेल्या बांगलादेशविरुद्धच्या मालिकेत झिम्बाब्वे संघाचा भाग होते. वेस्ली माधेवेरे गेल्या वर्षी जुलैमध्ये झिम्बाब्वेसाठी शेवटचा टी- 20 सामना खेळला होता. दरम्यान, कसोटी आणि एकदिवसीय सामने खेळलेला न्यूमन न्यामुरी झिम्बाब्वेसाठी त्याच्या पहिल्या T20 सामन्याची वाट पाहत आहे. तफादज्वा सिगा याने यापूर्वी केवळ कसोटी खेळल्या आहेत. झिम्बाब्वेच्या टी-20 च्या संघात त्याची ही पहिलीच निवड आहे.

झिम्बाब्वेचा संघ: सिकंदर रझा (कर्णधार), ब्रायन बेनेट, रायन बर्ल, तनाका चिवांगा, बेन कुरन, ब्रॅड इव्हान्स, वेस्ली मधवेरे, तादिवंशे मारुमणी, वेलिंग्टन मसाकाजादा, ब्लेसिंग मुझाराबानी, डीओन मायर्स, रिचर्ड नागरवा, न्यूमन न्यामुरी, तफादज्वा सिगाबा, ताफदज्वा सिगाबा.