Mobile New Rules : मोबाईल युजर्ससाठी 1 नोव्हेंबरपासून मोठा बदल; अनोळखी कॉल्सवरही…, जाणून घ्या काय आहे CNAP नियम
तुम्ही मोबाईल वापरता मग हि माहिती तुमच्यासाठीच आहे, पुढील महिन्यापासून म्हणजेच १ नोव्हेंबरपासून नवीन नियम लागू होणार आहेत. याअंतर्गत, दूरसंचार मंत्रालय (DoT) हा नवीन नियम लागू करेल. तसेच, मोबाईल कॉल्सवरही याचा परिणाम होईल... नेमके काय आहेत नवीन नियम जाणून घेण्यासाठी खालील माहिती नक्की वाचा.
मोबाईल वापरकर्ते: १ नोव्हेंबरपासून भारतातील लाखो मोबाईल वापरकर्त्यांसाठी नियम बदलणार आहेत. दूरसंचार मंत्रालयाच्या (DoT) आदेशानुसार, सर्व कंपन्यांनी १ नोव्हेंबरपासून कॉलर नेम प्रेझेंटेशन (CNAP) लागू करणार असल्याचे जाहीर केले आहे. यामुळे, वापरकर्त्यांना आता अनोळखी नंबरवरून कॉल करणाऱ्या व्यक्तीचे नाव ओळखता येईल.
भारत सरकारने जारी केलेल्या आदेशानुसार १ नोव्हेंबरपासून एक नवीन नियम लागू होणार आहे. दूरसंचार विभागाने (DoT) हा आदेश जारी केला आहे. त्यानुसार, सर्व मोबाईल वापरकर्त्यांना कॉल करणाऱ्याचे नाव दाखवणे बंधनकारक आहे. वास्तविक पाहता, अनेक लोक अनोळखी कॉलरचे नाव जाणून घेण्यासाठी TrueCaller सारख्या मोबाईल ॲप्सचा वापर करतात.
वापरकर्त्यांसाठी 4G, 5G सेवा: दूरसंचार विभागाच्या (DoT) निर्देशानुसार, 4G, 5G सेवा वापरकर्त्यांना कॉल आल्यावर कॉलरचे नाव दिसण्यासाठी CNAP सेवा अनिवार्य असेल. ही सुविधा 2G, 3G नेटवर्कसाठी नंतर उपलब्ध करून दिली जाईल.
कॉलर आयडी फीचर अशा प्रकारे काम करते: जेव्हा भारतीय मोबाईल वापरकर्त्यांना कॉल येतो, तेव्हा कॉल करणाऱ्याच्या नावाबरोबरच कॉन्टॅक्ट बुकमध्ये सेव्ह केलेल्या व्यक्तीचे नावही स्क्रीनवर दिसते. जर फोन नंबर तुमच्या कॉन्टॅक्ट बुकमध्ये सेव्ह केलेला नसेल, तर तुमच्या मोबाईल स्क्रीनवर दिसणारे कॉलरचे नाव हे टेलिकॉम कंपनीच्या डेटा सर्व्हरमध्ये साठवलेले नाव असते. हेच ते नाव आहे जे सिम कार्ड खरेदी करण्यासाठी वापरले जाते.
जर कॉल करणारा आंतरराष्ट्रीय ग्राहक असेल, तर मोबाईलच्या डिस्प्लेवर "आंतरराष्ट्रीय कॉल्स" असे दिसेल. सायबर फसवणुकीचे कॉल्स रोखण्यासाठीदेखील हे वैशिष्ट्य उपयुक्त आहे.
