EV Charging : EV चार्जिंगचा गेमच बदलणार! Geelyची कार फक्त ४ मिनिटांत ७०% चार्ज होणार
Geelyने AI आधारित Smart Charging टेक्नोलॉजी सादर केली असून कंपनीच्या चाचणीत EV बॅटरी १०% वरून ७०% पर्यंत ४ मिनिटांत चार्ज झाली.
इलेक्ट्रिक कार चार्जिंगला लावली की आपण आधी गाडीपेक्षा चार्जिंग मीटरकडेच जास्त लक्ष देतो. २० टक्के , ३० टक्के, ४० टक्के आणि तोपर्यंत आपला अर्धा पेशन्स संपलेला असतो, पण आता EV मालकांची हीच वाट पाहण्याची कटकट कमी होण्याची शक्यता आहे. कारण चीन कंपनी Geely ने अशी चार्जिंगची टेक्नोलॉजी आणली आहे. ज्यामुळे ७० टक्क्यापर्यंत चार्जिंग थेट ४ मिनिटांत होणार आहे.
चार्जिंगंमध्ये AI ची मदत
Geely च्या नव्या smart Chargimg तंत्रज्ञानाची चाचणी lynk & Co 10 आणि Zeeker 001 या गाड्यांमध्ये करण्यात आली. कंपनीच्या म्हणण्यांनुसार, या चाचणीत बॅटरी १० टक्क्यांवरून ७० टक्क्यापर्यंत अवघ्या ४ मिनिटे ३० सेकंदात चार्ज झाली. या टेक्नोलॉजीमध्ये AI चा वापर करण्यात आला. Xingrui PowerMind नावाचं AI मॉडेल गाडी, बॅटरी, चार्जिंग स्टेशन,वीज यत्रणा आणि इतर घटकांमधील माहितीचा वापर करून चार्जिंग प्रक्रिया नियंत्रित करतं. त्यामुळे फास्ट चार्जिंग व्हायला मदत होणार आहे.
बॅटरी जास्त गरम होऊ नये याचीही काळजी
एवढ्या वेगाने चार्जिंग करताना बॅटरी गरम होण्याचा धोक असतो. त्यामुळे Geely ने चार्जिंगच्या संपूर्ण प्रक्रियेसाठी पाच टप्प्यांचं लिक्क्विड कुलिंग सिस्टम देखील वापरलं आहे. चार्जिंग स्टेशनमधील ऊर्जा साठवणूक यंत्रणा, चार्जिंग युनिट, केबल चार्जिंग पोर्ट आणि कारची बॅटरी अशा संपूर्ण साखळीतील उष्णता नियंत्रित करण्याचा प्रयत्न या सिस्टममधून केला जाणार आहे.
बॅटरीच्या आयुष्यावरही लक्ष
फास्ट चार्जिंगलमुळे बॅटरीच्या आयुष्यावर परिणाम होऊ शकतो का हा प्रश्न EV वापरकर्त्यांनी पडला आहे. यासाठी Geely ने lithiumion Pulse Restoration Technology दिली आहे. कंपनीच्या मते मायक्रो – पल्स करंटच्या मदतीने बॅटरीमध्ये होणाऱ्या काही प्रकारच्या झाजेला कमी करण्यात येणार आहे.
