Google कडून MacBook वापरकर्त्यांना महत्त्वाचा अलर्ट, अपडेट न केल्यास होऊ शकते मोठी चूक

macbook

जर तुम्ही अजूनही तुमच्या MacBook मध्ये macOS Big Sur वापरत असाल, तर ही बातमी तुमच्यासाठी खूप महत्त्वाची आहे. Google ने स्पष्ट इशारा दिला आहे की आता ते macOS Big Sur वर Chrome ब्राउजरसाठी सपोर्ट पूर्णपणे थांबवत आहेत. म्हणजेच, जर तुमचा Chrome ब्राउजर Version 138 पेक्षा पुढे गेला, तर तुम्हाला कोणतेही नवे अपडेट्स, फीचर्स, परफॉर्मन्स सुधारणा किंवा सिक्युरिटी पॅच मिळणार नाहीत.

ही एक मोठी धक्का देणारी बातमी आहे कारण याचा थेट परिणाम जगभरातील लाखो MacBook यूजर्सवर होणार आहे, जे अजूनही Big Sur वर काम करत आहेत.

आता नाही मिळणार Chrome अपडेट्स

Google ने जाहीर केलं आहे की Chrome चा Version 138 हे macOS 11 Big Sur साठी शेवटचं अपडेट असणार आहे. त्यानंतर युजर्सना कोणतेही नवे अपडेट्स मिळणार नाहीत. यामध्ये महत्त्वाचे सिक्युरिटी पॅच, नवीन फीचर्स आणि परफॉर्मन्स सुधारणांचा समावेश आहे.

आता ही अपडेट्स न मिळाल्यामुळे तुमचा ब्राउजर मालवेअर, फिशिंग अटॅक्स, हॅकिंग आणि इतर ऑनलाइन सायबर जोखमांपासून असुरक्षित होणार आहे.

Apple ने आधीच सपोर्ट थांबवला

Google चा हा निर्णय काहीसा अपेक्षितच होता, कारण Apple ने देखील आधीच macOS Big Sur साठी अधिकृत सपोर्ट बंद केला आहे. त्यामुळे Google सुद्धा आपल्या Chrome ब्राउजरसाठी या OS वर सुरक्षितता आणि योग्य कामगिरीची हमी देऊ शकत नाही.

युजर्सने काय करावं?

जर तुम्हाला सुरक्षित ब्राउजिंग अनुभव हवा असेल, तर लगेचच तुमचा MacBook कमीत कमी macOS 12 Monterey वर अपडेट करणे अत्यावश्यक आहे. परंतु अनेक जुन्या मॉडेल्समध्ये हे शक्य नसेल, त्यामुळे नवीन MacBook Air किंवा MacBook Pro मध्ये अपग्रेड करणं ही जास्त योग्य आणि शहाणपणाची गोष्ट ठरेल.

कोणते पर्याय उपलब्ध आहेत?

• जर तुमचं बजेट मर्यादित असेल, तरी सध्या M2 चिपसह MacBook Air वर चांगल्या ऑफर्स चालू आहेत.
• M1 चिपसह MacBook मॉडेल्स सुद्धा काही काळासाठी उपयुक्त पर्याय ठरू शकतात.
• जर तुम्ही Windows OS वापरण्याचा विचार करत असाल, तर Windows 11 लॅपटॉप्स देखील उत्तम पर्याय आहेत. ते Chrome साठी अप-टू-डेट सपोर्ट देतात आणि त्यात Copilot AI असिस्टंट सारखे आधुनिक फिचर्स देखील उपलब्ध आहेत.